Mediante resolución do 23 de outubro de 2000 publicáronse as relacións definitivas de aspirantes admitidos e excluídos das probas selectivas para

o ingreso no corpo administrativo da Xunta de Galicia, grupo C (DOG nº 211, do 31 de outubro). Nas ditas relacións consta unha columna na que se fai referencia á cota de discapacitados.

Tendo en conta que o número de prazas ofertadas é de tres, e así mesmo o contido da base I.1.2. da convocatoria (orde da Consellería da Presidencia e Administración Pública do 5 de xuño de 2000), non cabe reservar praza ningunha para a cota de discapacitados, sendo necesario, polo tanto, corrixi-lo erro padecido ó incluír dentro das aludidas relacións a columna referida anteriormente.

En consecuencia, esta dirección xeral

RESOLVE:

Suprimir, nas relacións de admitidos e excluídos, a columna correspondente á cota de discapacitados, así como o seu contido, todo iso de conformidade co artigo105 da Lei de réxime xurídico das administracións públicas e do procedemento administrativo común.

Santiago de Compostela, 24 de novembro de 2000.

Joaquín López-Rúa Soler

Director xeral da Función Pública