Por resolución da alcaldía do 24 de novembro de 2000, préstase aprobación ó prego de cláusulas administrativas que rexerán o procedemento para a contratación das obras que se referencian, exponse
ó público polo prazo de oito días hábiles contados a partir do seguinte ó da publicación deste anuncio no BOP, para que poidan presentar reclamacións quen se considere interesado.
Simultaneamente, anúnciase o concurso, ben que a licitación se aprazará canto resulte necesario, de presentarse reclamacións o prego.
1. Entidade adxudicadora: Concello da Rúa de Valdeorras, r/ Velázquez nº 2, 32350 A Rúa de Valdeorras (Ourense).
2. Obxecto do contrato: acondicionamento da rúa Circunvalación, conforme ó prego de cláusulas administrativas e proxecto técnico redactado polo enxeñeiro de camiños José Mª Sorribes Escribá, e aprobado polo Decreto da Alcaldía do 17-10-2000.
Prazo de execución: tres meses.
3. Tramitación: urxente.
Procedemento: aberto.
Forma: concurso.
4. Tipo de licitación: 12.236.17 pesetas (75.341,15 euros) IVE e demais tributos incluídos.
5. Garantías.
Provisional: 244.724 pesetas (1.470,82 euros).
Definitiva: 489.448 pesetas (2.941,64 euros).
6. Obtención de información e documentación: na secretaría do Concello da Rúa de Valdeorras, r/ Velázquez nº 2, 32350-A Rúa de Valdeorras (Ourense). Teléfono: 988 31 01 16. Fax: 988 31 13 21.
7. Requisitos xerais do contratista: os sinalados no prego de condicións administrativas.
Clasificación: non se esixe.
8. Presentación de proposicións.
a) Prazo e lugar: no Concello da Rúa de Valdeorras durante os 13 días naturais, desde o seguinte ó da publicación do presente anuncio no último dos boletíns no que apareza (BOP ou DOG), de 9 a 14 horas, de luns a venres, e sábados de 9 a 13 horas, no rexistro xeral do concello.
b) Documentación que hai que presentar.
Proposición para tomar parte na licitación para a contratación das obras de acondicionamento da rúa Circunvalación, polo procedemento aberto mediante concurso convocado polo Concello da Rúa de Valdeorras. Constarán de dous sobres pechados A e B, que conterán a documentación sinalada na cláusula 16 do prego de condicións particulares, denominados:
Sobre A, documentación acreditativa da personalidade e características do contratista e garantía depositada.
Sobre B, oferta económica e criterios diferentes ó de prezo ou alternativas ó proxecto do contrato.
9. Apertura de ofertas: ás doce horas do sexto día hábil seguinte ó de finalización do prazo de presentación de proposicións, considerándose para este caso inhábil o sábado.
10. Gastos dos anuncios: por conta do adxudicatario.
A Rúa de Valdeorras, 24 de novembro de 2000.
José A. Míguez Freire
Alcalde-presidente