En cumprimento da resolución da alcaldía do 24-11-2000 e do disposto nos artigos 78 do Real decreto lexislativo 2/2000, do 16 de xuño, do texto refundido da Lei de contratos das administracións públicas e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de obra.

1. Obxecto: abastecemento de auga potable ós núcleos de Pastoriza, Valín e Seixadelo. (Fondo de Cooperación/2000).

2. Tramitación: urxente.

3. Procedemento: aberto.

4. Sistema de adxudicación: poxa.

5. Prezo e financiamento: dez millóns de pesetas (10.000.000 de pesetas, equivalentes a 60.101,21 euros) IVE incluído, con cargo á partida orzamentaria 2000/512-601.02.

6. Prazo de execución: tres meses.

7. Período de garantía: un ano.

8. Fianza provisional: excluída.

9. Fianza definitiva: 4% do importe de adxudicación.

10. Clasificación: como empresa de obras, grupo E, subgrupo 1, categoría c), non obrigatoria.

11. Presentación de ofertas: durante os 8 días naturais seguintes ó da publicación deste anuncio no DOG, cos requisitos do artigo 8 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.

O prego de condicións económico-administrativas particulares está ó dispor de tódolos contratistas interesados nas oficinas xerais do Concello de Ribadeo, praza de España, nº 1, 27700 Ribadeo (Lugo), teléfono: 982 12 86 50, fax: 982 13 09 75, horario de atención ó público de 9 a 14 horas, de luns a venres.

12. Modelo de proposición: D./Dª... veciño/a de..., con domicilio en..., titular do DNI nº... en nome propio (ou en representación de..., conforme acredito con poder bastante), informado/a da poxa tramitada polo Concello de Ribadeo para a adxudicación, mediante procedemento aberto, das obras de abastecemento de auga potable ós núcleos de Pastoriza, Valín e Seixadelo manifesta o coñecemento e conformidade cos pregos de condicións económico-administrativas particulares e de prescricións técnicas, e comprométese a executalas na forma determinada nos citados pregos por un prezo de... pesetas (en letra e número).

13. Apertura de proposicións: será realizada pola mesa de contratación en acto público, segundo a cláusula 11 do prego, dentro dos 10 días seguintes ó de remate de presentación de ofertas e logo de convoca-los licitadores.

Ribadeo, 24 de novembro de 2000.

José Carlos Rodríguez Andina

Alcalde