Aprobados os correspondentes pregos de cláusulas administrativas e de prescricións técnicas, anúnciase concurso público para a adxudicación dos traballos de redacción do Plan Xeral de Ordenación Municipal e execución de cartografía do Concello de Cambados, cun orzamento de licitación de 25.1000.000 pesetas.

As proposicións poderanse presentar durante o prazo de dezaseis días naturais seguintes ó da última publicación do anuncio no DOG ou no BOP de Pontevedra.

Os devanditos pregos poderanse solicitar nas oficinas municipais e o acto de apertura de plicas terá lugar na Casa do Concello, o segundo día hábil seguinte a aquel en que remate o prazo para presentación das proposicións. O modelo de proposición figura como anexo ó prego de cláusulas administrativas particulares.

Cambados, 2 de novembro de 2000.

José Mª Cores Tourís

Alcalde