Aprobado na Comisión Municipal de Goberno do día 15 de novembro de 2000, o prego de condicións económico-administrativas e técnicas que rexerá a adxudicación da obra de acondicionamento de camiño entre A Veciñeira e o monte Ouzal, incluída no Fondo de Cooperación coas Entidades Locais 2000, da Consellería de Economía e Facenda, faise pública a convocatoria de contratación, mediante o procedemento de concurso aberto e tramitación urxente, ó abeiro dos artigos 71, 73, 74, 78, 85, 120 e 123 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas, conforme o seguinte prego que en extracto di:

1. Obxecto.-É obxecto a contratación da execución da obra de acondicionamento de camiño ente A Veciñeira e o monte Ouzal, incluída no Fondo de Cooperación coas Entidades Locais 2000 (Decreto 215/2000), da Consellería de Economía e Facenda segundo proxecto redactado polo enxeñeiro de camiños, canles e portos Javier López Pita.

2. Modalidade e tramitación.-Ó abeiro dos artigos 73 e 74 do Real decreto lexislativo 2/2000, do 16 de xuño, en relación co 85, estimando o órgano de contratación que a definición da prestación aprobada pola Administración é susceptible de ser mellorada por outras solucións técnicas, que poder propoñe-los licitadores mediante a presentación de variantes, ou por reduccións no seu prazo de execución, o sistema de adxudicación será mediante concurso aberto.

Así mesmo o procedemento, dada a necesidade de ter contratada a obra antes do 31 de Nadal de 2000, terá tramitación urxente, coa finalidade de cumpri-lo dito requisito e non perde-la subvención.

3. Prazo de execución: oito semanas (8).

4. Tipo.-Fíxase un tipo de licitación do 10.504.899 pesetas, IVE incluído.

5. Capacidade para contratar.-Están capacitadas para contrata-las persoas naturais, xurídicas españolas ou estranxeiras, que teñan plena capacidade de obrar e acrediten a correspondiente clasificación ou, no seu defecto, solvencia económica, financeira ou técnica nos termos dos artigos 16 e 17 do Real decreto lexislativo 2/2000, do 16 de xuño, do texto refundido da Lei de contratos das administracións públicas e, non estean afectadas por ningunha das circunstancias que enumera o artigo 20 como prohibitivas para contratar, establecidas no dito Real decreto lexislativo.

A Administración poderá contratar con unións de empresas que se constitúan temporalmente para o efecto (sen que sexa necesaria a formalización destas en escrituras públicas ata que se efectuara a adxudicación), as cales responderán solidariamente ante a Administración e ante a cal nomearán un representante ou apoderado único, sendo necesaria a clasificación de cada unha como empresa de obra.

Vista a contía da obra que se vai executar, nos termos sinalados no artigo 25 do Real decreto lexislativo 2/2000, do 16 de xuño, non se esixe clasificación para esta contratación.

6. Garantía provisional.-De conformidade co establecido no artigo 35 do Real decreto lexislativo 2/2000, do 16 de xuño, non se esixe a prestación de garantía provisional.

7. Garantía definitiva.-A garantía definitiva será do 4% do orzamento do contrato e poderá constituírse de calquera das formas previstas no artigo 36 do Real decreto lexislativo 2/2000, do 16 de xuño.

A constitución da garantía definitiva deberá acreditarse dentro dos 15 días hábiles seguintes á notificación do concurso. O incumprimento deste requisito, por causa imputable ó adxudicatario, dará lugar á resolución do contrato.

8. Presentación de proposicións.-As propostas presentaranse no Rexistro Xeral de Entrada de documentos, das 9 ás 13 horas, durante os 13 días naturais seguintes ó da última publicación no Diario Oficial de Galicia ou no BOP.

Tamén poderán presentarse proposicións por correo; neste caso, o interesado deberá acreditar, co resgardo correspondente, a data de imposición do envío na oficina de correos e anunciar o mesmo día ó organo de contratación, por fax, télex ou telegrama, a remisión da proposición. Sen tales requisitos non será admitida a proposición, no caso en

que se recibira fóra do prazo fixado no anuncio de licitación.

En todo caso, procederase á apertura das proposicións o segundo día hábil seguinte ó da finalización do prazo de presentación de proposicións, ás trece trinta horas.

Cedeira, 18 de novembro de 2000.

Xoán Xosé Rodríguez Pérez

Alcalde-presidente