A directora provincial do Servicio Galego de Saúde de Pontevedra en Vigo, en virtude das atribucións

que lle foron delegadas conforme o establecido na orde da Consellería de Sanidade e Servicios Sociais do 21 de abril de 1998,

RESOLVE:

Convoca-lo expediente de contratación de gasto anticipado 1/2001, polo sistema de concurso público e procedemento aberto con tramitación anticipada do gasto.

1. Entidade adxudicadora:

a) Organismo: Dirección Provincial do Sergas de Pontevedra.

b) Dependencia que tramita o expediente: Servicio de Xestión Económica e Investimentos, r/ Coruña, 24, 36211 Vigo.

Teléfono: 986 81 41 08.

Fax: 986 81 41 16.

2. Tramitación, procedemento e forma de adxudicación: concurso público polo procedemento aberto e tramitación anticipada de gasto.

3.Obxecto, prazo e orzamento do contrato: servicio de limpeza das dependencias administrativas da nova sede desta entidade na rúa García Barbón, 51, Vigo, que se executará a partir da data da sinatura do contrato ata o 31 de decembro de 2002, cun orzamento máximo anual de 16.800.000 pesetas.

4. Fianzas e garantías esixidas:

Provisional: non se esixe.

Definitiva: 4% do importe de adxudicación.

5. Documentación que deberán presenta-los licitadores: os documentos que figuran no prego de cláusulas administrativas particulares e na forma que nel se sinala.

6.a) Nome e enderezo do servicio ó que poden solicitarse os pregos que rexen a contratación: ver punto nº 1.

b) Data límite de recepción das ofertas: antes das 14 horas do décimo quinto día natural a partir do seguinte ó da publicación de esta resolución no DOG.

c) Dirección á que deben dirixirse: ver punto nº 1.

7. Data de apertura das proposicións: a apertura das proposicións admitidas realizaraa a mesa de contratación, reunida en acto público na sala de xuntas no domicilio indicado no punto 1, a partir das 9.30 horas do quinto día natural, contado a partir do seguinte a aquel no que finalice o prazo de presentación de ofertas; no caso de que o dito día coincida en sábado ou festivo, a apertura das proposicións terá lugar o seguinte día hábil.

8. Criterios que se seguirán para adxudica-lo contrato: ver punto 7.2º do prego de cláusulas administrativas.

9. Anuncios: o pagamento do importe do anuncio da presente resolución será por conta do adxudicatario.

Vigo, 15 de novembro de 2000.

Lucía Molares Pérez

Directora provincial de Pontevedra