Eu, Francisco Castiñeiras Fernández, secretario do Xulgado de Primeira Instancia e Instrucción número tres de Santiago de Compostela, dou fe e testemuño de que no xuízo de faltas nº 351/1997 se dictou esta providencia, que di:
Santiago de Compostela, dez de xuño de mil novecentos noventa e nove.
Recibido o anterior oficio do Colexio de Avogados de Santiago de Compostela, únase ós autos da súa razón. Á vista do anterior oficio e dado que o expediente de nomeamento de avogado en relación coa presentación do recurso de apelación de Paulo Sergio Trigo Pinto foi arquivado, póñase no seu coñecemento e seguidamente continúen os autos ó seu correspondente trámite.
Presentado o anterior escrito por Bruno Paz Fraga, únase ós autos da súa razón. Tense por interposto recurso de apelación contra a sentencia dictada por este xulgado e déase traslado ás demais partes polo termo de dez días para que formulen impugnación ou adhesión a este e, transcorridos os ditos días, presentados ou non escritos, elévense os autos á audiencia provincial no prazo de dous días.
E para que conste e lle sirva de notificación de providencia de admisión do recurso a Paulo Sergio Trigo Pinto, actualmente en paradoiro descoñecido e para a súa publicación no Diario Oficial de Galicia, expido este edicto en Santiago de Compostela o 26 de outubro de 2000.
O secretario
Rubricado