Rematados os traballos do reparto do fondo de acción social para o ano 2000 e de conformidade co establecido nos puntos 6 e 7 do acordo da comisión paritaria de acción social sobre os criterios de reparto do fondo de acción social para o exercicio 2000 para o persoal ó servicio da Administración de xustiza nesta Comunidade Autónoma, ó que se lle deu publicidade por Resolución do 10 de maio de 2000 da Dirección Xeral de Xustiza e Administración Local (DOG nº 101, do 25 de maio), e unha vez transcorrido o prazo de alegacións previsto no punto segundo da Resolución do 22 de setembro de 2000 pola que se anunciaba a exposición pública das listas provisionais (DOG nº 196, do 9 de outubro), esta dirección xeral
DISPÓN:
Primeiro.-Elevar a definitivas e dar publicidade ás listas definitivas das solicitudes admitidas e excluídas correspondentes ós programas I, II e III: axuda por fillos e estudios de fillos, estudios de funcionarios e axuda a minusválidos respectivamente, que estarán expostas no taboleiro de anuncios da Dirección Xeral de Xustiza, no Tribunal Superior de Xustiza de Galicia, nas audiencias provinciais, nos xulgados decanos e no Servicio de Xerencia.
Segundo.-Que a contía do programa I se verá incrementada polos sobrantes do programa II e III.
Terceiro.-Contra esta resolución que esgota a vía administrativa poderán presentar recurso potestativo de reposición ante a directora xeral de Xustiza no prazo dun mes, ou ser impugnada directamente ante os xulgados do Contencioso-Administrativo da Coruña no prazo de dous meses, ámbolos dous prazos contados a partir do día seguinte ó da publicación da presente resolución, de acordo co previsto no artigo 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común e artigos 14, 25 e 46 da Lei 29/1998, do 23 de xullo, reguladora da xurisdicción contencioso-administrativa.
Santiago de Compostela, 16 de novembro de 2000.
Mª Reyes Carabel Pedreira
Directora xeral de Xustiza