Por medio desta cédula e en cumprimento do disposto no artigo 59 da Lei 30/1992, do 26 de novembro, en relación co artigo 13 do Real decreto 1398/1993, do 4 de agosto, que aproba o regulamento do procedemento para o exercicio da potestade sancionadora, notifícalle ó interesado a proposta de resolución do correspondente expediente sancionador, co número que se indica, por non destina-la vivenda a domicilio habitual e permanente do beneficiario, causa prevista no artigo 5 c) da Lei 13/1996, do 30 de decembro, de infraccións en materia de vivenda.
Tendo constatado a existencia dun procedemento de execución hipotecaria contra o titular da vivenda, a instructora do expediente propón o arquivo das actuacións e sobresemento deste.
Conforme o establecido no artigo 19 do Regulamento de procedemento para o exercicio da potestade sancionadora, dáse traslado ó interesado concedéndolle un prazo de 15 días para formular alegacións en trámite de audiencia e presenta-los documentos e informacións que estime pertinentes. A presente proposta de resolución non é susceptible de recurso.
E para que conste e lle sirva de notificación ó interesado, de dirección descoñecida, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula na Coruña, 23 de outubro de 2000.
Mª Teresa Morán Calero
Xefa de Área Provincial da Coruña
ANEXO
VP-C 15/2000.
Fernando Ríos Vázquez.
r/ Alcalde López Latorre, 14.
Bloque 1, vivenda nº 19.
A Condesa-Betanzos.