Por medio desta cédula e en cumprimento do disposto no artigo 59 da Lei 30/1992, do 26 de novembro, en relación co artigo 13 do Real decreto 1398/1993, do 4 de agosto, que aproba o Regulamento do procedemento para o exercicio da potestade sancionadora, notifícaselle ó interesado a proposta de resolución do correspondente expediente sancionador, cos números que se indica, por non destina-la vivenda a domicilio habitual e permanente

do beneficiario, causa prevista no artigo 5 c) da Lei 13/1996, do 30 de decembro, de infraccións en materia de vivenda.

Pola dita infracción a instructora do expediente propón a sanción de multa de 200.000 pesetas, sen prexuízo da obriga de destina-la vivenda a domicilio habitual e permanente.

Conforme o establecido no artigo 19 do Regulamento de procedemento para o exercicio da potestade sancionadora, dáse traslado ó interesado concedéndolle un prazo de 15 días para formular alegacións en trámite de audiencia e presenta-los documentos e informacións que estime pertinentes. A presente proposta non é susceptible de recurso.

E para que conste e lle sirva de notificación ó interesado, de dirección descoñecida, en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula na Coruña, 23 de outubro de 2000.

Mª Teresa Morán Calero

Xefe de Área Provincial da Coruña

ANEXO

VP-C 6/2000.

Mª Ángeles García Patiño.

Polígono de Vite, r/ García Lorca, 18, 3º D, Santiago de Compostela.