De conformidade co acordo da Comisión de Goberno, con data do 6 de outubro de 2000, anúnciase concurso polo procedemento aberto, para adxudica-la obra seguinte:
1. Obxecto do contrato.
Obra: rede de sumidoiros ós núcleos de San Xosé de Ribarteme, incluída no POL 2000.
Prezo máximo de licitación: 12.046.405 pesetas.
Prazo de execución: catro meses.
A obra realizarase conforme o proxecto técnico e prego de cláusulas administrativas á disposición dos interesados na secretaría do concello.
2. Garantías.
Provisional: 2% do tipo de licitación.
Definitiva: 4% do orzamento de contrato.
3. Presentación de proposicións e documentación complementaria.
As propostas admitiranse a partir do día en que remita ó BOP e ó DOG o anuncio correspondente, ata pasados 26 días naturais despois da publicación do último anuncio correspondente.
4. Modelo de proposición.
O contido no prego de cláusulas.
Documentación complementaria: a sinalada no prego (e na LCAP).
Cando as proposicións se envíen por correo o licitador deberá xustifica-la data e hora na que fixo o envío e comunicalo ó concello mediante fax ou telegrama, dentro da data e hora fixados como prazo de presentación.
5. Criterios da selección.
Os sinalados no artigo 15 do prego de condicións.
6. Apertura de plicas.
No salón de sesións do concello, o seguinte día hábil ó do remate da presentación de proposicións ás 13, agás que o día citado fose sábado, en que quedará demorada ó primeiro día hábil posterior.
7. Gastos de anuncios.
Por conta do adxudicatario.
8. Exposición do prego de cláusulas administrativas.
Durante o prazo de oito días hábiles seguintes ó da publicación deste anuncio.
As Neves, 16 de outubro de 2000.
Raúl Emilio Castro Rodríguez
Alcalde-presidente