En cumprimento do disposto no artigo 48 da Lei 1/1997, do 24 de marzo, do solo de Galicia, faise público que o Pleno da Corporación, en sesión do 29 de agosto de 2000, aprobou definitivamente o estudio de detalle para pormenoriza-la ordenación das parcelas nº 1, 2 e 3 do ámbito Ponte da Pedra-Estrada de Razo para construcción dun centro comercial en Carballo, redactado polos arquitectos José R. Miyar Caridad e Gonzalo Serantes Conchado.

Contra o acto de aprobación definitiva, que pon fin á vía administrativa, poderase interpor recurso potestativo de reposición perante o Pleno da Corporación, no prazo dun mes contado desde o día seguinte ó da publicación deste anuncio no BOP ou no DOG. Alternativamente, poderá impugnarse directamente en vía xurisdiccional mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ó da publicación deste anuncio no BOP ou no DOG.

No suposto en que se interpoña recurso administrativo de reposición, non poderá interpoñerse recurso contencioso-administrativo ata que se resolva expresa ou presuntamente o recurso de reposición interposto. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou no que este deba entenderse presuntamente rexeitado. No suposto de desestimación do recurso de reposición, o prazo para interpoñe-lo recurso contencioso-administrativo é de seis meses.

Carballo, 11 de outubro de 2000.

O alcalde

Rubricado