O artigo 28.2º da Constitución española recoñece, como dereito fundamental da persoa, o dereito á folga.
O exercicio deste dereito na Administración e nas empresas, entidades e institucións públicas ou privadas, que presten servicios públicos ou de recoñecida e inaprazable necesidade, no ámbito e competencias da Comunidade Autónoma de Galicia, está condicionado ó mantemento dos servicios esenciais fixados no artigo 2 do Decreto 155/1998, do 9 de xuño (DOG nº 116, do 20 de xuño), entre os que se atopa a sanidade.
O exercicio público da prestación da asistencia santaria non se pode ver afectado gravemente polo lexítimo dereito do exercicio de folga, xa que aquel é considerado e recoñecido prioritariamente en relación con este.
O artigo 3 do citado decreto faculta os conselleiros competentes por razón dos servicios esenciais afectados para que, mediante orde e diante de cada situación de folga, decidan o mínimo de actividade necesaria para asegura-lo mantemento de tales servicios,
así como para determina-lo persoal necesario para a súa prestación.
Convocada folga que afecta a tódolos empregados e empregadas públicos dos diversos organismos e institucións sanitarias do Sergas, para os días 22 e 23 de novembro de 2000, que se levará a efecto desde as 22 horas do día 21 ás 22 horas do día 23 de novembro,
DISPOÑO:
Artigo 1º
A folga convocada desde as 22 do día 21 ás 22 horas do día 23 de novembro e que afectará ó persoal mencionado, enténdese condicionada ó mantemento dos servicios mínimos determinados nesta orde.
Os servicios mínimos que se fixan resultan totalmente imprescindibles para mante-la adecuada cobertura dos servicios da institución sanitaria, en evitación de que se produzan graves prexuízos ós usuarios.
Tales mínimos responden á necesidade de compatibiliza-lo respecto ineludible ó exercicio do dereito á folga, coa atención ós usuarios que, baixo ningún concepto, poden quedar desasistidos polas características do servicio dispensado.
Entrando na análise dos servicios mínimos, establécense os criterios rectores de determinacións deles que, corresponden cos asinados coas centrais sindicais con motivo de folga anteriores, tendo en conta as características e duración desta folga.
Os ditos criterios rectores explicítanse do modo seguinte:
Establécese o número de efectivos necesarios para garantir, en todo caso, a actividade urxente e preferente durante as horas da folga.
Ademais, resulta imprescindible mante-la continuidade da organización, sen rupturas ou efectos traumáticos que impidan a atención continuada dos usuarios na asistencia cirúrxica ou de tratamentos esenciais, evitando calquera prexuízo ou discriminación daqueles que se poidan ver afectados durante as horas de folga.
Con tal determinación mantense a programación básica da actividade, así como o funcionamento dos servicios centrais que permita, en todo caso, a realización das probas complementarias precisas. Igualmente os tratamentos dispensados non poden ser interrompidos ou aprazados por mor da incidencia da folga.
Con tales premisas determínase no anexo desta resolución, por tipos de persoal, o número de servicios mínimos do persoal afectado, determinando cada xerencia a distribución por servicios, que será publicada no taboleiro de anuncios de cada centro.
Artigo 2º
A designación nominal, con carácter rotatorio, do persoal que deberá cubri-los distintos servicios será
determinada polo director-xerente do centro, procedéndose á súa publicación nos taboleiros de anuncios do centro de traballo.
Artigo 3º
Os prazos e alteracións no traballo por parte do persoal necesario para o mantemento dos servicios mínimos expostos nos taboleiros de anuncios de cada centro, serán considerados ilegais para os efectos do establecido no artigo 16.1º do Real decreto lei 17/1977, do 4 de marzo (BOE nº 58, do 9 de marzo).
Artigo 4º
O disposto nos artigos anteriores non significará ningún tipo de limitación dos dereitos que a normativa reguladora da folga recoñece ó persoal nesta situación, nin tampouco sobre a tramitación e efectos das peticións que a motiven.
Artigo 5º
Sen prexuízo do que establecen os artigos anteriores, deberanse observa-las normas legais e regulamentarias vixentes en materia de garantías dos usuarios dos establecementos sanitarios.
Disposición derradeira
A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 20 de novembro de 2000.
José Mª Hernández Cochón
Conselleriro de Sanidade e Servicios Sociais
ANEXO
FOLGA PREVISTA DESDE AS 22 HORAS DO DÍA 21 DE NOVEMBRO
ÁS 22 HORAS DO DÍA 23 DE NOVEMBRO DE 2000
Quendas noites: do día 21 ó 22 e do 22 ó 23.
Quendas mañá: días 22 e 23.
Quendas tarde: días 22 e 23.
Xerencia de Atención Primaria da Coruña:
Persoal Mañá Tarde Noite
Persoal facultativo 112 15 16
Persoal sanitario non facultativo 69 15 14
Persoal non sanitario 58 15 13
Xerencia de Atención Primaria de Ferrol:
Persoal Mañá Tarde Noite
Persoal facultativo 36 17 12
Persoal sanitario non facultativo 31 17 12
Persoal non sanitario 22 16 4
Xerencia de Atención Primaria de Santiago de Compostela:
Persoal Mañá Tarde Noite
Persoal facultativo 74 32 21
Persoal sanitario non facultativo 58 31 22
Persoal non sanitario 42 17 12
Complexo Hospitalario Universitario de Santiago de Compostela:
Persoal Mañá Tarde Noite
Persoal facultativo 168 105 105
Persoal sanitario non facultativo 509 250 186
Persoal non sanitario 235 105 32
Complexo Universitario Juan Canalejo:
Persoal Mañá Tarde Noite
Persoal facultativo 154 90 90
Persoal sanitario non facultativo 433 284 205
Persoal non sanitario 186 121 31
Complexo Hospitalario Arquitecto Marcide-Novoa Santos:
Persoal Mañá Tarde Noite
Persoal facultativo 43 14 14
Persoal sanitario non facultativo 95 70 56
Persoal non sanitario 67 37 13
Complexo Hospitalario Xeral-Calde:
Persoal Mañá Tarde Noite
Persoal facultativo 63 36 35
Persoal sanitario non facultativo 197 121 99
Persoal non sanitario 119 60 14
Hospital da Costa-Burela:
Persoal Mañá Tarde Noite
Persoal facultativo 18 11 11
Persoal sanitario non facultativo 51 38 28
Persoal non sanitario 22 11 5
Hospital de Monforte de Lemos:
Persoal Mañá Tarde Noite
Persoal facultativo 24 15 15
Persoal sanitario non facultativo 40 24 21
Persoal non sanitario 27 13 5
Xerencia de Atención Primaria de Lugo:
Persoal Mañá Tarde Noite
Persoal facultativo 154 42 42
Persoal sanitario non facultativo 143 40 39
Persoal non sanitario 123 14 15
Complexo Hospitalario de Ourense:
Persoal Mañá Tarde Noite
Persoal facultativo 117 32*+15** 31*+16**
Persoal sanitario non facultativo 292 191 137
Persoal non sanitario 170 97 36
* Gardas de presencia física.
** Gardas localizadas.
Hospital Comarcal de Valdeorras:
Persoal Mañá Tarde Noite
Persoal facultativo 13 8 8
Persoal sanitario non facultativo 23 36 17
Persoal non sanitario 13 20 4
Xerencia de Atención Primaria de Ourense:
Persoal Mañá Tarde Noite
Persoal facultativo 148 28 22
Persoal sanitario non facultativo 111 27 22
Persoal non sanitario 77 23 19
Complexo Hospitalario de Pontevedra:
Persoal Mañá Tarde Noite
Persoal facultativo 100 52 49
Persoal sanitario non facultativo 117 129 96
Persoal non sanitario 111 56 18
Os facultativos de tarde e noite son os de garda.
Complexo Hospitalario Xeral-Cíes:
Persoal Mañá Tarde Noite
Persoal facultativo 92 100% garda 100% garda
Persoal sanitario non facultativo 306 167 125
Persoal non sanitario 139 90 24
Hospital Nicolás Peña:
Persoal Mañá Tarde Noite
Persoal facultativo 6 1 1
Persoal sanitario non facultativo 17 10 9
Persoal non sanitario 7 2 2
Hospital do Meixoeiro:
Persoal Mañá Tarde Noite
Persoal facultativo 57+100%* 100* 100*
Persoal sanitario non facultativo 149 80 54
Persoal non sanitario 88 48 12
* Gardas e urxencias.
Xerencia de Atención Primaria de Pontevedra-Vigo:
Persoal Mañá Tarde Noite
Persoal facultativo 144 63 21
Persoal sanitario non facultativo 160 56 16
Persoal non sanitario 106 31 15
Xerencia de Atención Primaria de Pontevedra Norte:
Persoal Mañá Tarde Noite
Persoal facultativo 136 39 26
Persoal sanitario non facultativo 142 38 25
Persoal non sanitario 66 17 10
