Por acordo da Comisión de Goberno na sesión celebrada o día 8 de novembro de 2000 aprobáronse os pregos de condicións económico-administrativas das obras do proxecto de saneamento nos núcleos de Soán, Orxais, Xestoso, Lamas, Paradaseca, Campos de Vila, Caspedro, San Xulián e Paradela (incluídas no programa PIEL 2000), cun orzamento de execución por contrata de 16.447.154 pesetas e un prazo de execución de 5 meses. As obras adxudicaranse polo sistema de concurso, procedemento aberto e tramitación urxente. O que se expón ó público polo prazo de 8 días para efectos de exame e presentación de reclamacións.
Así mesmo, e coa excepción do disposto no artigo 122.2º do R.D. 781/1986, do 18 de abril, acordouse anuncia-la licitación das devanditas obras, para que os interesados presenten as súas propostas no prazo de 13 días naturais contados a partir do seguinte ó da publicación deste edicto no DOG.
No BOP publicarase extracto da convocatoria da licitación.
Quiroga, 9 de novembro de 2000.
O alcalde
Rubricado