O Xurado Provincial de Clasificación de Montes Veciñais en Man Común de Ourense acordou, en sesión do 15-12-1999, reinicia-lo expediente de clasificación como veciñal en man común, comezado o 11-5-1988, do monte denominado O Cagarreto e coas características que a seguir se relacionan, nomeándose instructores do expediente a Manuel Bouzas Costa e Miguel Ángel González Trigás.
Publícase de acordo co establecido no artigo 23.2º do Decreto 260/1992, do 4 de setembro (DOG nº 186, do 23 de setembro), polo que se aproba o regulamento para a execución da Lei 13/1989, do 10 de outubro, de montes veciñais en man común.
Concello: Vilar de Santos.
Nome do monte: O Cagarreto, corresponde á parcela nº 991 da concentración parcelaria de Vilar de Santos, Sandiás (Vilar de Santos, Sandiás, Ourense).
Comunidade propietaria: Parada.
Superficie: dúas hectáreas, dezaoito áreas e cincuenta e cinco centiáreas, aproximadamente.
Estremas:
Norte: con camiño.
Sur: José Nogueiras Dorado e outros, e camiño.
Leste: José Pedras Rúa e outra, Palmira Pedras Pérez e masa común.
Oeste: camiño.
Iníciase a apertura do período dun mes para a práctica de alegacións a partir do día seguinte da publicación do edicto no Diario Oficial de Galicia.
Ourense, 25 de setembro de 2000.
Miriam Areal López
Secretaria do Xurado Provincial de Clasificación de Montes Veciñais en Man Común de Ourense
Visto e prace
Agustín Prado Verdeal
Presidente do Xurado Provincial de Clasificación de Montes Veciñais en Man Común de Ourense