En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días o órgano ambiental someterá o estudio de efectos ambientais ó trámite de información pública mediante anuncio no Diario Oficial de Galicia.
Na súa virtude
RESOLVO:
1. Someter a información pública o estudio de efectos ambientais do proxecto de aproveitamento hidroeléctrico do río Lamas. Salto do Vao.
2. Para os devanditos efectos informativos, porase á disposisición dos administrados, exemplares nas seguintes dependencias:
* Dirección Xeral de Calidade e Avaliación Ambiental.
* Delegación Provincial da Consellería de Medio Ambiente da provincia de Lugo.
* Concello da Fonsagrada.
3. As alegacións formularanse durante o prazo de vinte días, contados a partir do seguinte día á publicación da presente resolución no Diario Oficial de Galicia.
Santiago de Compostela, 16 de outubro de 2000.
Francisco Pan-Montojo González
Director xeral de Calidade e Avaliación Ambiental