Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administra

tivo común, faise público que o Xurado Provincial de Montes Veciñais en Man Común de Lugo, na sesión que tivo lugar o 14 de xuño de 2000 na sala de xuntas da delegación provincial da Consellería de Medio Ambiente, baixo a presidencia do seu delegado provincial, e coa asistencia dos vocais Emilio Sánchez Coto, Manuel Martínez Garrido, José Antonio Illán Torrón e do secretario Luis Quiroga Arnal, dictou a resolución de clasificar como veciñais en man común os montes seguintes:

Expediente número 7/1998:

Denominación: monte Serra de San Martiño (parte sur).

Pertenza: veciños da parroquia de Chao de Fabeiro.

Concello: Monforte de Lemos.

Superficie: 12,5 hectáreas.

Estremas e perímetro:

Norte: parcela convida pola comunidade de Marexe e Vilamaior coa Xunta de Galicia, e predios particulares. Leste: predios particulares. Sur: predios particulares. Oeste: predios particulares.

Debido ás discrepancias existentes entre ámbalas dúas comunidades afectadas, acórdase deixar pendente a clasificación da parte norte desta parcela ata clarexa-la súa pertenza por medio de persoal técnico da Delegación Provincial da Consellería de Medio Ambiente.

Expediente número 14/1999:

Denominación: monte Serra do Moncaio.

Pertenza: veciños da parroquia de Fornelas.

Concello: Pobra de Brollón.

Superficie: 61 hectáreas.

Estremas e perímetro:

Norte: predios particulares da parroquia de Fornelas. Leste: predios particulares da parroquia de Fornelas e monte comunal da parroquia de Cereixa. Sur: monte Serra Pequena, Moncaio e Cornado nº elenco 2715773 pertencente á comunidade de Reigada e conveniado o 24 de xuño de 1991 coa Xunta de Galicia. Límite de termo municipal entre A Pobra de Brollón e Monforte de Lemos, e monte comunal da parroquia de Reigada. Oeste: monte comunal da parroquia da Parte, e límite de termo municipal entre A Pobra de Brollón e Monforte de Lemos.

Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.

Lugo, 14 de xuño de 2000.

Luis González Vázquez

Presidente do Xurado Provincial de Montes

Veciñais en Man Común de Lugo