Para os efectos previstos no artigo 28 do regulamento para a execución da Lei 13/1989, do 10
de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 14 de xuño de 2000 na sala de xuntas da delegación provincial da Consellería de Medio Ambiente, baixo a presidencia do seu delegado provincial, e coa asistencia dos vocais Emilio Sánchez Coto, Manuel Martínez Garrido, José Antonio Illán Torrón e do secretario Luis Quiroga Arnal, dictou a resolución de non clasificar como veciñais en man común os montes seguintes:
Expediente número 6/1999: monte de Donís, ubicado no lugar de Donís, parroquia de Donís, concello de Cervantes.
Expediente número 7/1999: monte de Piornedo, ubicado no lugar de Piornedo, parroquia de Donís, concello de Cervantes.
Expediente número 8/1999: monte de Fonteferreira, ubicado no lugar de Fonteferreira, parroquia do Cebreiro, concello de Pedrafita do Cebreiro.
Expediente número 9/1999: monte de Moeda, ubicado no lugar de Moeda, parroquia do Cebreiro, concello de Pedrafita do Cebreiro.
Expediente número 10/1999: monte de Brimbeira, ubicado no lugar de Brimbeira, parroquia de Liñares, concello de Pedrafita do Cebreiro.
Expediente número 11/1999: monte de Lousada, ubicado no lugar de Lousada, parroquia de Lousada, concello de Pedrafita do Cebreiro.
Expediente número 12/1999: monte do Seixo, ubicado no lugar do Seixo, parroquia de Pacios, concello de Pedrafita do Cebreiro.
Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 14 de xuño de 2000.
Luis González Vázquez
Presidente do Xurado Provincial de Montes
Veciñais en Man Común de Lugo