A Dirección Provincial do Servicio Galego de Saúde da Coruña, en virtude das atribucións que lle foron delegadas conforme o establecido na Orde do 21-4-1998, do conselleiro de Sanidade e Servicios Sociais, sobre delegación de competencias en órganos centrais e periféricos do Sergas, modificada pola Orde do 23 de marzo de 2000, convoca o seguinte concurso público, polo procedemento aberto, para a subministración dunha máquina fotocopiadora dixital.
Subministración: adquisición dunha máquina fotocopiadora dixital.
Orzamento: 3.100.000 pesetas, IVE incluído (18.631,375 euros).
Fianza provisional: non.
Forma de adxudicación: concurso público, procedemento aberto.
Prazo de execución: os bens obxecto deste concurso público entregaranse no prazo establecido no prego de cláusulas administrativas particulares e na folla de especificacións.
Admisión de variantes: non se admiten.
Solvencia económica, financeira e técnica: acreditación libre atendendo ós criterios do Real decreto lexislativo 2/2000, do 16 de xuño, polo que se aproba o TRLCAP.
Criterios de adxudicación: ver prego de cláusulas administrativas particulares e a folla de especificacións.
Documentos de interese para os licitadores: o prego de cláusulas administrativas particulares e demais documentación complementaria estarán de manifesto e á disposición dos concursantes, para o seu exame, na Dirección Provincial do Sergas da Coruña,
r/ Durán Loriga, nº 3-4ª planta, tódolos días laborables, excepto os sábados, desde as 9 ás 14 horas.
Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no rexistro xeral da Dirección Provincial do Sergas da Coruña, antes das 14 horas do décimo quinto día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax: 981 18 56 78 ou telegrama no mesmo día, de conformidade co establecido no punto 5.2 do prego de cláusulas administrativas particulares.
Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Dirección Provincial do Sergas da Coruña, r/ Durán Loriga, nº 3, a partir das 10 horas do décimo primeiro día natural, contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
Documentación que deberán achega-los licitadores: os documentos que figuran no prego de cláusulas administrativas particulares.
Anuncios: o pagamento do anuncio deste concurso público será por conta do adxudicatario ou adxudicatarios do contrato ou contratos.
A Coruña, 13 de outubro de 2000.
Antonio V. Martínez Calvo
Director provincial da Coruña
