Segundo a Lei orgánica 1/1981, do 6 de abril, pola que se aprobou o Estatuto de autonomía de Galicia, e o Real decreto 1763/1982, do 24 de xullo, sobre o traspaso de funcións e servicios da Administración do Estado á Comunidade Autónoma de Galicia en materia de educación, correspóndenlle á Consellería de Educación e Ordenación Universitaria as competencias en materia de planificación, regulación e administración do ensino regrado.

No marco destas competencias, a Lei orgánica 1/1990, do 3 de outubro, de ordenación xeral do sistema educativo, no seu artigo 53, prevé que as administracións educativas promovan medidas tendentes a ofertar a tódolos cidadáns a oportunidade de accederen ós niveis ou graos das ensinanzas non obrigatorias nos centros ordinarios.

O decreto 88/1999, do 11 de marzo (DOG do 13 de abril), polo que se regula a ordenación xeral das ensinanzas de educación de persoas adultas e os

requisitos mínimos dos centros, establece no artigo 5 que a Consellería de Educación e Ordenación Universitaria adecuará as ensinanzas de formación profesional ás peculiaridades e características das persoas adultas.

Nesta liña, e de acordo coa Orde do 31 de maio de 1999 (DOG do 1 de xullo), pola que se regula o desenvolvemento dos ciclos formativos de formación profesional específica en réxime ordinario e para persoas adultas, cómpre autoriza-los centros nos que se van impartir estas ensinanzas na Comunidade Autónoma de Galicia.

En consecuencia co anteriormente exposto, a Consellería de Educación e Ordenación Universitaria

DISPÓN:

Primeiro.-Autorízanse para imparti-las ensinanzas de ciclos formativos para persoas adultas, segundo o establecido na Orde do 31 de maio de 1999, os centros docentes públicos de educación secundaria que se relacionan no anexo, para o curso escolar 2000/2001.

Segundo.-Requirirase un mínimo de 15 alumnos para poder imparti-los ditos ciclos formativos, salvo autorización expresa da Dirección Xeral de Ordenación Educativa e Formación Profesional, non podendo, mentres tanto, formalizar ningunha matrícula. Esta condición do número mínimo de alumnos debe ser posta en coñecemento dos interesados no momento da súa preinscrición.

Así mesmo, a Dirección Xeral de Ordenación Educativa e Formación Profesional determinará en cada caso o número máximo de alumnos por grupo atendendo ás condicións pedagóxicas e medios didácticos concretos. O número máximo de alumnos de cada grupo será de 30, non contabilizándose para estes efectos o alumnado que cursara estas ensinanzas con anterioridade sen superalas.

Disposicións derradeiras

Primeira.-Autorízanse as direccións xerais de Ordenación Educativa e Formación Profesional, de Centros e Inspección Educativa e de Persoal para dictar cantas disposicións sexan necesarias para o desenvolvemento da presente orde.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Disposición derrogatoria

Única.-Quedan derrogadas todas aquelas ordes e disposicións que se opoñan ó cumprimento desta orde.

Santiago de Compostela, 17 de setembro de 2000.

Celso Currás Fernández

Conselleiro de Educación e Ordenación Universitaria

Directora xeral de Ordenación Educativa e Formación Profesional e director xeral de Centros e Inspección

Educativa e director xeral de Persoal

ANEXO

Provincia da Coruña

Provincia de Lugo

Provincia de Ourense

Provincia de Pontevedra