Acordo do 26 de setembro de 2000 polo que se anuncia concurso, con procedemento aberto e trámite ordinario, para a contratación do servicio de aseguramento do persoal para accidentes de traballo e enfermidades profesionais e a prestación do servicio de prevención de riscos laborais.

Tipo de licitación: para o aseguramento do persoal será a prima individual establecida pola lexislación vixente para cada tipo de persoal; para o servicio de prevención de riscos laborais non se establece, deberán propoñela os concorrentes na forma establecida no prego.

Fianzas: definitiva por importe do 4% do contrato.

Duración do contrato: un ano, prorrogable segundo se indica na cláusula 5ª do prego.

Proposicións: poderán presentarse no rexistro xeral do concello, das 9 ás 13.30 horas, dentro do prazo de 26 días naturais contados desde o seguinte ó da publicación deste anuncio no BOP.

Apertura de plicas: na casa do concello ás 13.30 horas do terceiro día hábil posterior ó de remate do prazo de presentación (agás sábados).

Información: no Servicio de Contratación na Secretaría do Concello; teléfono: 986 77 00 01 e fax: 986 77 12 77.

Criterios de adxudicación: os indicados na cláusula 10ª do prego.

Gastos: por conta do adxudicatario, estipulados na cláusula 20ª.

Poio, 3 de outubro de 2000.

Luciano Sobral Fernández

Alcalde