Publicadas as resolucións do 23 de xuño e 20 de setembro de 2000 (DOG nº 129 e 187, do 4 de xullo e 26 de setembro), relativas á publicación das listas reguladas no Decreto 23/2000, do 26 de xaneiro, para a cobertura con carácter temporal de postos de traballo do corpo facultativo superior da Xunta de Galicia (grupo A), escala de veterinarios, pertencentes á Consellería de Sanidade e Servicios Sociais, lista B; e unha vez rematados os prazos previstos nos correspondentes puntos das ditas resolucións, constatada a existencia dalgúns erros materiais nas listas publicadas por parte da Comisión Permanente de Selección de Persoal para a cobertura de postos de traballo reservados a funcionarios na correspondente sesión, unha vez elevada a oportuna proposta, esta dirección xeral
RESOLVE:
Primeiro.-Facer públicas, unha vez corrixidos os erros materiais constatados, as listas para a cobertura con carácter temporal para o nomeamento de persoal interino de postos de traballo reservados a funcionarios correspondentes ó corpo facultativo superior da Xunta de Galicia (grupo A), escala de veterinarios, pertencentes á Consellería de Sanidade e Servicios Sociais (lista B), da forma que a continuación se indica:
Anexo I: figuran os solicitantes incluídos nas listas.
Anexo II: figuran os solicitantes excluídos das listas.
Segundo.-Os citados anexos atópanse expostos nos taboleiros de anuncios da Consellería da Presidencia e Administración Pública e nos das súas delegacións
provinciais, no da Delegación Territorial da Consellería de Pesca, Marisqueo e Acuicultura en Vigo e nas oficinas comarcais da Xunta de Galicia.
Terceiro.-As listas entrarán en vigor a partir do día seguinte ó da publicación desta resolución no Diario Oficial de Galicia.
Para os efectos de información o teléfono de contacto é o 902 12 00 12 das 9 ás 19 horas de luns a venres e das 9 ás 14 horas os sábados.
Cuarto.-Contra esta resolución poderán os interesados interpoñer recurso de alzada perante o conselleiro da Presidencia e Administración Pública, no prazo dun mes a partir da publicación desta resolución no Diario Oficial de Galicia.
Santiago de Compostela, 31 de outubro de 2000.
Joaquín López-Rúa Soler
Director xeral da Función Pública