O Consello da Xerencia Municipal de Urbanismo, en sesión do día 5 de outubro de 2000, adoptou, entre outros, o seguinte acordo:

Primeiro.-Aprobar inicialmente, coa reserva que se expresa no punto segundo do presente acordo, o Plan parcial de ordenación do parque tecnolóxico e loxístico de Vigo (expediente 4959/411), redactado polo consultor Interurbán, S.A., e asinado polo enxeñeiro director Roberto Aya Duarte, presentado polo consorcio da zona franca de Vigo, segundo a documentación técnica refundida e completada contida na carpeta con data de elaboración de maio de 1999.

Segundo.-Con anterioridade á aprobación definitiva do presente plan parcial deberán figurar incorporadas a el as adecuadas previsións sobre as actuacións que se executarán para a conexión do viario -coas aprobacións administrativas pertinentes-, e da infraestructura de abastecemento de auga do ámbito do Plan parcial cos sistemas xerais exteriores á actuación; avaliación do seu custo, prazos e condicións en que deban ser exectuadas, de acordo co plan de etapas que definitivamente se aprobe para este Plan parcial; xustificación das previsións que, conforme o expresado convenio teñan que ser realizadas con recursos propios deste concello; e acreditación da conformidade das administracións ou entidades públicas, distintas deste concello, ás que, se é o caso, se atribúa o financiamento de todo ou parte dalgunha destas actuacións.

Terceiro.-Sométase o expediente ó trámite de información pública por prazo dun mes e publíquese a apertura deste trámite mediante anuncio no DOG e nun dos xornais de maior circulación da provincia.

O prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público.

O presente anuncio servirá de notificación nos termos do art. 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren desco

ñecidos ou ignorando o seu enderezo non poidan ser notificados persoalmente.

Vigo, 6 de outubro de 2000.

Lois Pérez Castrillo

Alcalde-presidente da Xerencia Municipal

de Urbanismo