A Comisión de Goberno do Concello de Santiago de Compostela, na sesión que tivo lugar o día 10 de xullo de 2000, aprobou inicialmente o estudio de detalle do solo urbanizable non programado número 15 (SUNP-15) en Ponte Pereda-Conxo, promovido polo Instituto Galego da Vivenda e do Solo.

En cumprimento do que dispón o artigo 44.3º da Lei 1/1997, do solo de Galicia (LSG), o expediente sométese a información pública durante o prazo dun mes, contado a partir do día seguinte ó da publicación deste anuncio no Diario Oficial de Galicia e nun xornal de circulación na provincia. Durante este prazo, os interesados poderán consulta-lo expediente na Sección de Planeamento e Xestión e formular por escrito as alegacións que xulguen oportunas.

A aprobación inicial do estudio de detalle determina automaticamente, por aplicación do disposto no artigo 34.2º da LSG, a suspensión do outorgamento de licencias no ámbito obxecto de ordenación para tódolos usos e obras que resulten incompatibles coa ordenación proxectada.

Edicto.

De conformidade co previsto no artigo 42.6º da Lei do solo de Galicia, este anuncio servirá de citación, en forma legal, ós propietarios que non poidan ser citados persoalmente ó trámite de información pública por descoñecerse a súa identidade ou o seu paradoiro. Para este fin insíre a seguir a relación

de parcelas e propietarios afectados, segundo a información remitida polo Instituto Galego da Vivenda e Solo:

Santiago de Compostela, 28 de setembro de 2000.

Xosé A. Sánchez Bugallo

Alcalde