Por Orde do 12 de maio de 2000 (DOG do 26 de maio), convócase concurso público para a realización de dous proxectos de investigación relativos ós centros de educación non universitaria.
As solicitudes admitidas para participar neste concurso foron estudiadas pola comisión de selección nomeada segundo o previsto no artigo 4 da citada Orde do 14 de xullo.
Na súa virtude, atendendo á proposta elaborada pola citada comisión,
RESOLVO:
Primeiro.-Conceder axudas para a realización de dous proxectos de investigación ás persoas que se relacionan no anexo a esta resolución e na contía e anualidades que en cada caso se sinalan.
Segundo.-As axudas que se relacionan no anexo comprenden a totalidade da axuda necesaria para a realización do correspondente proxecto de investigación, incrementada nun 10% destinado ós gastos institucionais que a súa execución supón ó organismo o que pertence o investigador responsable.
Terceiro.-As subvencións de que se trata faranse efectivas mediante libramento único, por cada anualidade e a través da Universidade de Santiago de Compostela logo de presentación das correspondentes certificacións de gasto e de acordo coa normativa vixente.
Cuarto.-A inobservancia por parte dos beneficiarios de calquera das bases establecidas na orde de convocatoria do 12 de maio de 2000 suporá a perda do dereito a percibi-la subvención correspondente.
Quinto.-Contra esta resolución poderán os interesados interpoñer potestativamente recurso de reposición ante o mesmo órgano no prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.
Disposición derradeira
A presente resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 10 de outubro de 2000.
P.D. (Orde 12-5-2000)
Miguel A. Ríos Fernández
Secretario xeral de Investigación e Desenvolvemento
ANEXO
Investigador principal: José Manuel Vez Jeremías.
Organismo: Universidade de Santiago de Compostela.
Código: PGIDT00EDU24101PR.
Título do proxecto: posibles causas da deficiente competencia comunicativa oral do alumnado no dominio de linguas estranxeiras.
Ano 2000: 3.000.000 de pesetas.
Ano 2001: 3.500.000 pesetas.
Total: 6.500.000 pesetas.
Persoal: si.
Investigador principal: Agustín Dosil Maceira.
Organismo: Universidade de Santiago de Compostela.
Código: PGIDT00EDU21101PR.
Título do proxecto: avaliación dos servicios de orientación.
Ano 2000: 3.500.000 pesetas.
Ano 2001: 2.730.000 pesetas.
Total: 6.230.000 pesetas.
Persoal: si.