Para os efectos previstos na Lei 54/1997, do 27 de novembro, e no artigo 9 do Decreto 2617/1966, sométese a información pública a petición de autorización da instalación eléctrica que se describe:

Solicitante: Barras Eléctricas, S.A.

Domicilio social: r/ Cidade de Viveiro, 4-1º, 27002 Lugo.

Denominación: reelectrificación de Barral e Fontefeal. Castromaior.

Situación: Abadín.

Descricións técnicas: liña de media tensión en LA-56 a 20 kV de 1.168 m de lonxitude sobre apoios de formigón. Centro de transformación en Barral de 160 kVA e relación de transformación 20.000/380-220 V. Centro de transformación en Fontefeal de 160 kVA e relación de transformación 20.000/380-220 V. Rede de baixa tensión en conductor R.Z. de 1.850 m de lonxitude.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

Lugo, 13 de setembro de 2000.

Jesús Bendaña Suárez

Delegado provincial de Lugo