Para os efectos previstos no artigo 53 da Lei 54/1997, do sector eléctrico, no artigo 18 do Decreto 205/1995, polo que se regula o aproveitamento da enerxía eólica na Comunidade Autónoma de Galicia, e no artigo 10 do Decreto 2619/1966, polo que se aproba o regulamento da Lei 10/1966, sobre expropiación forzosa e sancións en materia de instalacións eléctricas, sométese a información pública a declaración de utilidade pública, en concreto, solicitada por Euro Vento, S.L. (unipersoal), con novo enderezo social na rúa Varsovia, 4-C, 5ª planta, 15707 Santiago de Compostela, para o parque eólico de Adraño (Paxareiras IIB).

Denominación: parque eólico de Adraño (Paxareiras IIB).

Municipios afectados: Carnota e Mazaricos (A Coruña).

Situación: Petón de Cornes, Alto de Adraño, Campo da Cruz, Chan da Pedra Grande.

O que fai público para coñecemento xeral e especialmente dos propietarios e demais titulares afectados dos que se insire relación no anexo desta resolución, así como das persoas que, sendo titulares de dereitos reais ou intereses económicos sobre os bens afectados, fosen omitidos, para que poidan examina-lo expediente no que constan as características e afeccións derivadas do proxecto, nesta delegación provincial, situada no edificio administrativo Monelos, s/n, 15701 A Coruña, e presenta-las alegacións oportunas no prazo de 30 días, contados desde o seguinte ó da publicación desta resolución.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e deste xeito dirixir ó Ministerio Fiscal as dilixencias que se produzan destes, de conformidade co artigo 5 da Lei de expropiación forzosa do 16 de decembro de 1955.

A Coruña, 5 de outubro de 2000.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 22/1999Provincia: A Coruña

Parque eólico de Adraño (Paxareiras IIB)Termos municipais: Carnota e Mazaricos

* Tipo de afección: expropiación de plena propiedade.

Dimensións:

Cimentación: 16x16 m.

Vía-gabia: 12 m (vía=10 m, gabia=2 m).

Plataforma: 20x20 m.

Transformador: 10x18 m.

** Tipo de afección: imposición de servidume de paso eléctrico subterráneo.

*** Tipo de afección: imposición de servidume voo pa do aeroxerador.

**** Tipo de afección: ocupación temporal (1 ano) para realización das obras de execución do parque eólico que comprende un corredor de 50 m a cada lado da aliñación de aeroxeradores.