En cumprimento do disposto no artigo 2, punto 4º, do Decreto 327/1991, de 4 de outubro, de avaliación de efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.
Na súa virtude:
RESOLVO:
1. Someter a información pública o estudio de avaliación ambiental para o proxecto da nova instalación de tratamento e depuración de efluentes salinos mediante evapoconcentración, promovido por Sogarisa.
2. Para os devanditos efectos informativos, porase á disposición dos administrados exemplares nas seguintes dependencias:
* Dirección Xeral de Calidade e Avaliación Ambiental.
* Delegación Provincial da Consellería de Medio Ambiente da provincia da Coruña.
* Concello das Somozas.
3. As alegacións formularanse durante o dito prazo de vinte días contando a partir do día seguinte á publicación da presente resolución no Diario Oficial de Galicia.
Santiago de Compostela, 6 de outubro de 2000.
Francisco Pan-Montojo González
Director xeral de Calidade e Avaliación Ambiental