O Decreto 89/1993, do 19 de abril, regula a autorización de libros de texto e doutros materiais curriculares para as ensinanzas de réxime xeral, así como o seu uso nos centros docentes.
O devandito decreto establece como elemento fundamental do proceso de autorización a presentación do proxecto editorial e define as condicións que este ten de reunir para a súa aprobación.
A Orde do 15 de novembro de 1994 desenvolve o devandito decreto, concretando a documentación que debe acompaña-la solicitude de autorización e precisando os termos nos que os libros de texto e os materiais curriculares, sempre que se axusten
ó proxecto editorial aprobado, farán consta-la autorización.
En virtude das mencionadas normas,
DISPOÑO:
Artigo 1º
Quedan autorizados os proxectos editoriais supervisados que se mencionan no anexo da presente orde, así como o uso nos centros docentes públicos e privados da Comunidade Autónoma dos libros de texto e dos correspondentes materiais curriculares nos que se concretan os devanditos proxectos.
Artigo 2º
Os libros de texto e materiais curriculares resultantes do proxecto editorial mencionado farán consta-la autorización nos termos establecidos na citada Orde do 15 de novembro de 1994.
A presente orde entrará en vigor a partir do día seguinte ó da súa publicación no Diario Oficial de Galicia.
Santiago de Compostela, 26 de setembro de 2000.
Celso Currás Fernández
Conselleiro de Educación e Ordenación
Universitaria
ANEXO
Relación dos proxectos editoriais supervisados
Editorial Proxecto
Proxecto editorial «Tris-Tras» para o 2º ciclo de educación infantil.
Grupo Anaya, S.A.: -Proxecto editorial «Sete Cores» para o 2º ciclo de educación infantil.
Editorial Luis Vives: -Proxecto editorial «Infantil Tambre» para o 2º ciclo de educación infantil.
SM: -Proxecto editorial «Piruetas-Viravoltas» para o 2º ciclo de educacióon infantil.