O Decreto 110/1999, do 8 de abril (DOG do 5 de maio), polo que se crea e regula o Consello Galego de Formación Profesional, establece no seu artigo 5.2º que os membros do Consello Galego de Formación Profesional e os seus suplentes serán nomeados polo titular da Consellería de Educación e Ordenación Universitaria, por proposta de cada un dos grupos ou consellerías que representan e que o seu cesamento levarase a cabo deste mesmo xeito.
En consecuencia, por proposta da Consellería de Xustiza, Interior e Relacións Laborais,
DISPOÑO:
Artigo 1º
O cesamento de José María Fernández Olea como vocal titular, en representación da Consellería de Xustiza, Interior e Relacións Laborais no Consello Galego de Formación Profesional.
Artigo 2º
Designar a José Vázquez Portomeñe como vocal titular, en representación da Consellería de Xustiza,
Interior e Relacións Laborais, no Consello Galego de Formación Profesional.
Santiago de Compostela, 21 de setembro de 2000.
Celso Currás Fernández
Conselleiro de Educación e Ordenación Universitaria