Examinado o expediente instruído a pedimento de Made Energías Renovables, S.A., con enderezo para efectos de notificacións en Rúa do Castiñeiriño, 12-3º; 15702 Santiago de Compostela, sobre aprobación da ampliación do P.E.E. Made Energías Renovables, S.A.; esta consellería ten en conta os seguintes:

Antecedentes de feito:

Primeiro.-O 25 de abril de 1996 por resolución da Consellería de Industria e Comercio, apróbase o plan eólico estratéxico de Made Energías Renovables, S.A. publicándose no Diario Oficial de Galicia do 28-2-1997 coas seguintes características básicas:

* 17 áreas.

* Potencia: 443,2 MW.

* Prazo de execución: 10 anos.

* Investimento total: 71.426 millóns de pesetas.

* Plan industrial: 1.200 millóns de pesetas de investimento en 2 fábricas, 85/120 postos de traballo.

Segundo.-Con data 2 de setembro de 1999, Jerónimo Llomparts Homs Gómez, en nome e representación de Made Energías Renovables, S.A., solicitou a aprobación da ampliación do Plan Eólico Estratéxico denominado P.E.E. Made Energías Renovables, S.A., achegando a documentación establecida para o efecto polo Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia.

Terceiro.-A petición de aprobación da ampliación do plan eólico estratéxico someteuse a información pública por Resolución do 6 de setembro de 1999, para os efectos previstos no artigo 5 do Decreto 205/1995, do 6 de xullo, polo que se regula o aproveitamento da enerxía eólica na Comunidade Autónoma de Galicia. A citada resolución foi publicada no BOE do 21 de setembro de 1999, e no Diario Oficial de Galicia do 16 de setembro do mesmo ano.

As características principais da ampliación do P.E.E. Made Energías Renovables Galicia, S.A. que foron sometidas á información pública son:

Parque	Provincia	Termo Municipal	Coordenadas UTM

Carballeira	A Coruña- Lugo	As Pontes (A Coruña), Muras, Xermade	1 2 3 4 5	595000 600000 600000 597500 595000	4812750 4812619 4810000 4809500 4812000
Incio	Lugo	Incio, Samos, Courel, A Pobra do Brollón	1 2 3 4 5 6	638000 642000 645000 637000 634500 635000	4729000 4726500 4716000 4717000 4721000 4725000
Pena Ventosa	Lugo- A Coruña	Ourol, Vivero e O Vicedo	1 2 3 4 5 6	606000 609000 610000 607000 603000 603000	4836000 4836000 4833000 4823000 4823000 4830000
A Randa	A Coruña	Ortigueira e Mañón	1 2 3 4	595000 601000 601000 594000	4834000 4834000 4830100 4830375
Villamartín	Lugo	Barreiros, Ribadeo, Trabada e Lourenzá	1 2 3 4 5 6 7	644000 650000 652000 651000 643000 641000 638000	4819000 4819000 4817000 4813000 4814000 4814000 4816000
Val de Lourenzá	Lugo	Lourenzá, Trabada, Río Torto e A Pontenova	1 2 3 4 5 6 7	641000 643000 647000 643000 639000 639000 638000	4814000 4814000 4800000 4800000 4805000 4806000 4806000
Pontenova	Lugo	A Pontenova	1 2 3 4 5 6 7 8 9 10	647000 647763 648735 651104 651095 651430 651430 651104 651443 647000	4805000 4805000 4804070 4804520 4803339 4802721 4800867 4800249 4799000 4799000
Serra das Penas	Lugo	Paradela, Bóveda e O Saviñao	1 2 3 4 5 6 7	614000 617000 621000 621000 615000 611000 612000	4738000 4738000 4726000 4721000 4719000 4719000 4734000
San Sebastián	Lugo	Chantada e Carballedo	1 2 3 4 5	598000 601000 604000 605000 594500	4717000 4717000 4716000 4709000 4713000
Carballedo	Lugo	Carballedo	1 2 3 4	604000 606000 604000 601000	4709000 4705000 4703000 4708000
A Peroxa	Lugo- Ourense	Carballedo e A Peroxa	1 2 3 4 5 6	594000 595000 601000 603000 596000 594000	4708000 4708000 4706000 4702000 4703000 4704000
San Roque	A Coruña	Carballo, Coristanco e Tordoia	1 2 3 4 5 6	518000 524000 527000 522000 522000 518000	4777000 4777000 4772000 4774000 4771000 4774000
A Picota	A Coruña	Mazaricos	1 2 3 4	502000 504000 504000 503000	4759000 4759000 4751000 4751000

San Xusto	A Coruña	Brión, Noia, Lousame e Rois	1 2 3 4 5 6	517000 521000 522000 515000 514000 515000	4746000 4742000 4736000 4738000 4741000 4745000

Parque	Provincia	Termo Municipal	Coordenadas UTM

Coto do Espiño	Pontevedra	A Estrada, Silleda e Forcarei	1 2 3 4 5 6 7	554000 557500 555000 555000 553000 550000 550000	4731000 4724000 4724000 4718000 4718000 4723000 4730000
Suido	Pontevedra- Ourense	A Lama, Avión	1 2 3 4 5 6 7 8	555000 556000 557000 557000 553000 552000 552000 555000	4698000 4698000 4694000 4692000 4692000 4696000 4697000 4697000
Valdepereira	Pontevedra- Ourense	Lalín e O Irixo	1 2 3 4 5	567000 572000 572000 570000 567000	4717000 4717000 4711000 4709000 4711000
Pico Seco	Pontevedra- Ourense	Dozón, Piñón, San Cristovo de Cea, O Irixo	1 2 3 4 5 6 7 8 9	576000 580000 580000 578000 576000 575000 576000 572000 572000	4715000 4713000 4709000 4705000 4704000 4708000 4711000 4711000 4713000
Montes Paradanta	Pontevedra	Covelo, A Cañiza, Arbo, As Naves, Mondariz	1 2 3 4 5	557000 559000 554000 550000 554000	4680000 4679000 4665000 4668000 4677000

Durante o prazo de información pública presentáronse as seguintes solicitudes en competencia formuladas por:

1. Ercco.

2. Hidroeléctrica Dourol, S.L.

3. Fomensa Hispania, S.L.

4. Unión Fenosa Energías Especiales, S.A.

5. Planta Eólica de Galicia, S.A.

Cuarto.-Os servicios técnicos da Dirección Xeral de Industria emitiron informe avaliando a viabilidade do plan nas diferentes áreas de estudio solicitadas, co fin de resolve-los diferentes plans estratéxicos en compentencia, seguindo os seguintes criterios de avaliación:

-Planificación enerxética.

-Estudio contrastado dos datos eólicos existentes.

-Viabilidade económica dos plans.

-Achega tecnolóxica e efectos industriais dos plans ambientais.

-Desenvolvemento de infraestructuras.

Fundamentos de dereito:

Primeiro.-A Consellería de Industria e Comercio da Xunta de Galicia é competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro, e o Decreto 99/1998, do 26 de marzo, polo que se establece a estructura orgánica da Consellería de Industria e Comercio, modificado polo Decreto 181/1999, do 21 de xuño, en relación coa Lei 54/1997, do 30 de decembro, do sector eléctrico, e o Decreto 205/1995, do 6 de xullo.

Segundo.-Ante o gran número de solicitudes presentadas, e en tramitación paralela, de aprobación do Plan Eólico Estratéxico, os criterios seguidos en forma xeral para a adxudicación ou non das áreas asignadas foron os expostos no fundamento de feito quinto, téndose en conta a limitación existente desde o punto de vista infraestructural en canto á rede de transporte de enerxía eléctrica, o que supón que soamente se poidan satisfacer aquelas solicitudes que cumpran de forma máis completa os criterios de adxudicación formulados.

Terceiro.-Nalgúns casos, existen solapamentos en determinadas zonas de distintas solicitudes de plans, sen que os seus promotores concorresen en competencia. Nos ditos casos optouse por asigna-la área á solicitude que se considerou que cumpre en maior medida os criterios de asignación.

Cuarto.-Á vista dos plans presentados en competencia, o informe técnico realizado e do resto de documentación que conta no expediente, queda de manifesto que se deben excluír certas áreas solicitadas, debido á adxudicación de determinadas zonas a outros promotores seguindo criterios de planificación enerxética e desenvolvemento das infraestructuras enerxéticas ou debido á súa inviabilidade, tamén se toma en consideración para a autorización do plan a incidencia que ten o plan industrial da citada empresa que se detalla no anexo II, na estructura socioeconómica da Comunidade Autonómica de Galicia, sendo esta circunstancia un dos motivos prioritarios para a autorización recollidos no artigo 7 do Decreto 205/1995,do 6 de xullo.

Do exposto extráese como consecuencia, que a ampliación do plan solicitada non pode ser concedida na extensión requirida pola peticionaria, e en consecuencia, que se debe conceder á empresa Made Energías Renovables, S.A. autorización para prosegui-las investigacións nas áreas relacionadas no anexo I.

Desta forma, a ampliación do Plan Eólico Estratéxico pasa a constar de 5 áreas, sendo a súa potencia autorizada de 80 MW.

Quinto.-No expediente instruído para o efecto cumpríronse os trámites regulamentarios.

Esta consellería, de acordo co que antecede e no exercicio das competencias que ten atribuídas.

RESOLVE:

-Aproba-la ampliación do plan eólico estratéxico P.E.E. Made Energías Renovables, S.A. referido ás áreas recollidas no anexo I da presente resolución, coa previsión de potencia de 80 MW.

A presente resolución leva consigo o outorgamento do dereito de investigación nas áreas de referencia, así como o dereito preferente, nas citadas áreas, á autorización das instalacións de aproveitamento de enerxía eólica, consonte ó sinalado no artigo 8 do Decreto 205/1995, do 6 de xullo.

A aprobación do plan eólico estratéxico vincula á Administración e Made Energías Renovables, S.A.

sen prexuízo das futuras resolucións que se adopten para o suposto de non exercita-lo dereito preferencial previsto no artigo 8 do citado Decreto 205/1995, do 6 de xullo.

A aprobación do plan eólico estratéxico outórgase de acordo coas seguintes condicións:

Primeira: Made Energías Renovables, S.A. iniciará a execución do plan industrial no prazo de seis meses a partir da aprobación deste plan estratéxico, debendo executa-la dita formulación nas condicións sinaladas no anexo II da presente resolución, agás imposibilidades técnicas ou causa de forza maior debidamente xustificada.

En calquera momento poderá a Administración solicita-la documentación que estime pertinente en prol de verifica-lo cumprimento do establecido neste punto.

Segunda: a modificación do plan eólico estratéxico ou o incumprimento das condicións impostas nesta resolución e na autorización para a montaxe das instalacións será causa de resolución desta aprobación.

Sen embargo, se por alteración substancial das circunstancias ou por causas sobrevidas, non fose adecuado o mantemento dalgunha ou dalgunhas das instalacións previstas no plan eólico estratéxico que se aproba, a empresa poderá solicitar da Consellería de Industria e Comercio da Xunta de Galicia:

1. Autorización para a modificación ou substitución das actuacións, sen altera-las restantes condicións do plan eólico estratéxico.

2. A aprobación dun novo plan eólico estratéxico para novas instalacións, se a importancia dos investimentos así o xustifican, tendo en conta sempre os dereitos que terceiros interesados poidan ter.

Terceira: Made Energías Renovables, S.A. deberá presentar un informe trimestral á Consellería de Industria e Comercio que conterá os seguintes puntos:

-Datos eólicos obtidos nas áreas de investigación.

-Investimentos realizados e previstos.

-Operacións realizadas con empresas galegas.

-Emprego creado.

-Participación de entidades galegas.

Cuarta: a empresa Made Energías Renovables, S.A. participará na execución do plan industrial que teñan aprobados os tecnólogos seleccionados. En todo caso, a porcentaxe de compoñentes fabricados en Galicia será a comprometida polos tecnólogos. A selección dos tecnólogos deberá contar coa autorización da Dirección Xeral de Industria.

Quinta: a empresa Made Energías Renovables, S.A. poderá transferir en calquera momento os dereitos dimanantes da presente aprobación logo de autorización da Dirección Xeral de Industria, subrogándose o novo titular en tódalas obrigas e dereitos do transmitente derivados do plan eólico aprobado.

Sexta: o presente plan eólico apróbase sen prexuízo de terceiros, deixando a salvo os dereitos particulares e independentemente das autorizacións, licencias ou permisos de competencia municipal ou outros necesarios para a realización das obras das instalacións de aproveitamento eólico.

Contra esta resolución, que é definitiva en vía administrativa, poderase interpoñer, recurso potestativo de reposición ante esta consellería, no prazo dun mes desde día seguinte ó da súa notificación, de acordo co establecido no artigo 116.1º da Lei 30/1992, do 26 de novembro, de réxime xurídico das administracións públicas e do procedemento

administrativo común, modificada pola Lei 4/1999, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir da mesma data, o abeiro do disposto no artigo 46 da Lei 29/1998, do 13 de xullo, reguladora da jurisdicción contenciosa administrativa, sen prexuízo de que os interesados poidan interponer calquera otro recurso que estimen procedente.

Santiago de Compostela, 21 de setembro de 2000.

Juán Rodríguez Yuste

Conselleiro de Industria e Comercio

ANEXO I

Relación de áreas aprobadas no P.E. Estratéxico

Parque	Potencia	Provincia	Termo municipal	Coordenadas UTM

Carballeira	20	A Coruña-Lugo	As Pontes, Muras, Xermade	1	595000	4812750
2	600000	4812619
3	600000	4810000
4	597500	4809500
5	595000	4812000
Pena Ventosa	20	Lugo-A Coruña	Ourol, Viveiro, O Vicedo e Mañón	1	610000	4833000
2	609000	4836000
3	606000	4836000
4	603000	4830000
5	603000	4825500
6	607750	4825500
Serra das Penas	20	Lugo	Paradela, Bóveda e O Saviñao	1	614000	4738000
2	617000	4738000
3	621000	4726000
4	621000	4721000
5	615000	4719000
6	611000	4719000
7	612000	4734000
San Sebastián	10	Lugo	Chantada e Carballedo	1	598000	4717000
2	601000	4717000
3	604000	4716000
4	605000	4709000
5	594500	4713000
A Peroxa	10	Lugo-Ourense	Carballedo e A Peroxa	1	594000	4708000
2	595000	4708000
3	601000	4706000
4	603000	4702000
5	596000	4703000
6	594000	4704000

Potencia eólica estimada das áreas que se van estudiar: 80 MW.

ANEXO II

Documento de síntese

-Plan eólico estratéxico.

O plan eólico estratéxico terá unha duración de 5 anos 2 de investigación e 3 de desenvolvemento e suporá un investimento global estimado de 11.200 millóns de pesetas.

-Plan de investigación eólica.

A empresa Made Energías Renovables, S.A. realizará a investigación de 5 áreas facendo un investimento total de 100.000.000 de ptas., alcanzando un investimento medio de 10.000.000 ptas./ano área.

Co obxecto de coordina-los resultados da investigación cos do resto de plans eólicos estratéxicos aprobados, a empresa Made Energías Renovables, S.A. usará como entidade colaboradora para a investigación o Instituto Enerxético de Galicia (Inega).

-Plan Industrial.

A empresa Made Energías Renovables, S.A. desenvolverá o dito plan realizando as seguintes actuacións:

1. Mantemento dos compromisos industriais iniciais adquiridos por Made Energías Renovables, S.A. mediante a aprobación do plan eólico inicial por Resolución de 25 de abril de 1996, compromisos

que se verán incrementados linealmente coa potencia concedida na presente resolución.

2. Como parte do dito mantemento de compromisos, Made Energías Renovables, S.A. establecerá contratos de subministración, xa sexa de forma directa

ou indirecta, con UMA Ibérica, S.A. durante o período de desenvolvemento dos parques eólicos recollidos na presente resolución para a fabricación de compoñentes de aeroxeradores por un importe anual de 250 MPTA.