Aprobado na sesión plenaria do día 1 de setembro de 2000, con carácter inicial, o proxecto de modificacións puntuais do vixente Plan Xeral de Ordenación Municipal de Ares, redactadas por Ceinsa, ó abeiro do artigo 42.1º da Lei 1/1997, do 24 de marzo, do solo de Galicia, ábrese un período de información pública polo prazo dun mes contado desde o día seguinte ó da presente publicación no Diario Oficial de Galicia.

Estas modificacións puntuais consisten en:

1. Desclasificación dos sistemas xerais viarios trazados ó NO, L e S. de Ares, e proposta dun novo trazado que, partindo desde a estrada de Mugardos (á altura de Barallados), conduza ó porto, aproveitando na medida do posible camiños públicos.

2. Recualificación de bolsas de solo rústico apto para urbanizar localizadas ó sur (porto) do núcleo urbano de Ares, e a súa cualificación como solo rústico común.

3. Recualificación dunha bolsa de terreo ó norte do núcleo rural de Lubre, na zona coñecida como A Telleira, que de solo rústico común pasaría a solo rústico común apto para urbanizar.

4. Modificación de aliñacións na confluencia das estradas C-401 e AC-123, para a mellora dos accesos e a seguridade vial na entrada á vila de Ares, mediante a creación dunha rotonda.

5. Modificacións derivadas do covenio urbanístico asinado entre o concello e Jenaro Fernández Piñón.

Así mesmo, faise público que ó abeiro do artigo 34.2º da Lei 1/1997, do 24 de marzo, do solo de Galicia, tódalas áreas do territorio das citadas modificacións puntuais, ó se modificaren as determinacións do réxime urbanístico, quedan afectadas pola suspensión de licencias a que se refire o artigo 34 da citada Lei 1/1997, do 24 de marzo, do solo de Galicia.

Ares, 8 de setembro de 2000.

José Manuel Cendán Fernández

Alcalde-presidente