O alcalde-presidente da Xerencia Municipal de Urbanismo resolveu, con data do 4 de agosto de 2000, a aprobación inicial do expediente de delimitación dunha unidade reparcelable sita entre as rúas Quintela e Ramón Busch, iniciada de oficio polos servicios técnicos da Oficina de Planeamento e Xestión, referida a unha superficie de 2.125 m e cos seguintes lindeiros:
-Norte: rúa Quintela.
-Sur: rúa Ramón Busch.
-Leste: edificio sito na rúa Quintela, 47.
-Oeste: edificio sito na rúa Quintela, 65.
Sométese este expediente ó trámite de información pública polo prazo de vinte días, contados a partir do día seguinte ó da súa publicación no BOP e no taloleiro de anuncios da casa do concello, seguindo o establecido na lexislación vixente.
Signifícase que o prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público planta baixa da casa do concello.
Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou o seu enderezo, non poidan ser notificados persoalmente.
Vigo, 13 de setembro de 2000.
Lois Pérez Castrillo
Alcalde-presidente da Xerencia Municipal
de Urbanismo