O Concello da Xerencia Municipal de Urbanismo, en sesión do 24 de agosto de 2000, adoptou, entre outros, o seguinte acordo:

Primeiro.-Aprobar inicialmente, para a execución da ordenación prevista no estudio de detalle na rúa Pardaíña, aprobado definitivamente polo Concello-Pleno en sesión do 30 de outubro de 1996, a delimitación dun polígono coincidente co ámbito do devandito estudio de detalle, de 3.371,34 m de superficie, integrado por dúas parcelas de 1.781,34 e 1.590 m de superficie, propiedade da entidade solicitante da delimitación Promociones Ganesen, S.L., cos lindeiros e configuración que a continuación se expresan, reflectidas nos planos que figuran no expediente:

-Norte: Emilio Ruiz González.

-Sur: Odilo Lorenzo.

-Leste: Antonio Ruiz e outros.

-Oeste: Camiño da Pardaíña.

Segundo.-Aprobar inicialmente a determinación do sitema de compensación como sistema de actuación no polígono que se vai delimitar.

Terceiro.-Somete-lo expediente a información pública na forma legalmente prevista.

O trámite de información pública establecerase polo prazo de 20 días, contados desde o seguinte

ó da publicación no DOG, con citación persoal ós propietarios afectados. A documentación atópase na oficina de información da Xerencia Municipal de Urbanismo ó dispor do público, planta baixa do edificio da xerencia.

Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 14 de setembro de 2000.

Lóis Pérez Castrillo

Alcalde-presidente da Xerencia Municipal

de Urbanismo