Por Orde do 27 de marzo de 2000 (DOG do 4 de abril) convocábase concurso de méritos para cubrir postos de asesores e/ou asesoras especialistas no Servicio de Formación do Profesorado. Unha vez cumpridos os requisitos legais e transcorridos os prazos establecidos pola resolución provisional para reclamacións, e de acordo coa proposta efectuada pola comisión de selección prevista no punto 1º do artigo 6 da citada orde, a Consellería de Educación e Ordenación Universitaria
DISPÓN:
Primeiro.-Nomear, en réxime de comisión de servicios, para cubri-las prazas indicadas, os funcionarios e funcionarias docentes que se relacionan no anexo I desta orde.
Segundo.-Esta comisión de servicios será polo período que se especifica no artigo 11, punto 2º, da orde de convocatoria.
Terceiro.-Declarar vacantes as prazas que figuran no anexo II.
Cuarto.-Os funcionarios e funcionarias docentes seleccionados por esta orde quedarán adscritos ós postos adxudicados a partir do 1 de setembro de 2000.
Quinto.-Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Univesritaria no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 6 de setembro de 2000.
Celso Currás Fernández
Conselleiro de Educación e Ordenación
Universitaria
ANEXO I
Postos de asesores e/ou asesoras especialistas
no Servicio de Formación do Profesorado
Concursante seleccionado Asesoría adxudicada
Yürss Arruga, Juan Carlos Bioloxía e xeoloxía
Ónega Carrera, José-Víctor Educación física
Taboada Fernández, Lourdes Educación infantil
Feáns Landeira, José Latín, grego e cultura clásica
Valcárcel López, Xesús Lingua e literatura galega
Concursante seleccionado Asesoría adxudicada
Ares Fandiño, Mª Luz Lingua inglesa
Dopico Rodríguez, Mª José Lingua inglesa
Álvarez Agudo, Domingo Orientación
García Villasenín, Manuel-J. Relixión
ANEXO II
Vacantes de asesores e/ou asesoras especialistas
no Servicio de Formación do Profesorado
Asesoría de Nº prazas
Debuxo e educación plástica e visual 1
Educación primaria 1
Filosofía 1
Ciencias sociais, xeografía e historia 1
Física e química 1
Lingua castelá e literatura 1
Lingua francesa 1
Matemáticas 1
Música e danza 1
Tecnoloxía 1