Por Orde do 27 de marzo de 2000 (DOG do 4 de abril) convocábase concurso de méritos para cubrir postos de directores ou directoras dos centros de formación e recursos. Unha vez cumpridos os requisitos legais e transcorridos os prazos establecidos pola resolución provisional para reclamacións, e de acordo coa proposta efectuada pola comisión de selección prevista no punto 1º do artigo 6 da citada orde, a Consellería de Educación e Ordenación Universitaria
DISPÓN:
Primeiro.-Nomear, en réxime de comisión de servicios e polo período de tres anos para cubri-los postos indicados na devandita orde de convocatoria, os funcionarios docentes que se relacionan no anexo desta orde.
Segundo.-Os funcionarios docentes seleccionados por esta orde quedarán adscritos ós postos adxudicados a partir do 1 de setembro de 2000.
Terceiro.-De conformidade co punto 2º do artigo 10 do Decreto 245/1999, do 29 de xullo (DOG do 1 de setembro), o director ou directora do centro de formación e recursos poderá cesar nas súas funcións por calquera das causas alí sinaladas.
Cuarto.-Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 6 de setembro de 2000.
Celso Currás Fernández
Conselleiro de Educación e Ordenación
Universitaria
ANEXO
Postos de directores ou directoras dos centros
de formación e recursos
Centro Nome e apelidos
A Coruña Celestino Pérez Recarey Ferrol Xosé Ramos Rodríguez Santiago de Compostela Gonzalo Anaya García Lugo Ángel Rodríguez Sánchez Ourense José Lage Rodríguez Pontevedra Francisco Lozano Varela Vigo Margarita Pérez Froiz