Aprobado pola Comisión de Goberno deste concello, en sesión do día 1 de setembro do ano en curso, o prego de cláusulas administrativas particulares que rexerá na contratación por concurso das obras de iluminación pública en Portela, Parada, Romelle, A Ponte, Vilela, Paredes e Formigueiros, exponse ó público na secretaría deste concello, polo prazo de oito días, contados a partir do seguinte ó da última publicación deste anuncio no BOP ou no Diario Oficial de Galicia, para efectos de exame e reclamacións.

Simultaneamente, anúnciase a contratación da dita obra, se ben no suposto de presentaren reclamacións contra o prego de cláusulas, o concurso aprazarase cando resulte necesario, ata que sexan resoltas pola propia corporación.

1. Entidade adxudicadora.

a) Concello de Samos.

b) Dependencia que tramita o expediente: secretaría.

2. Obxecto do contrato.

a) Iluminación pública en Portela, Parada, Romelle, A Ponte, Vilela, Paredes e Formigueiros.

b) Lugar de execución: Municipio de Samos.

c) Prazo de execución: dous meses.

3. Orzamento base de licitación, importe total: 5.000.000 de pesetas, IVE incluído.

4. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

5. Garantías.

a) Provisional: 100.000 ptas.

b) Definitiva: 4% do importe de adxudicación.

6. Obtención de documentación e información.

a) Entidade: Concello de Samos.

b) Domicilio: praza de España, nº 1.

c) Localidade e código postal: Samos 27620.

d) Teléfono: 982 54 60 02.

7. Requisitos específicos do contratista.

Clasificación: grupo I, subgrupo 9, categoría c.

8. Presentación de ofertas.

a) Fecha límite de presentación: trece días naturais, contados a partir do seguinte ó da publicación do anuncio no BOP e no Diario Oficial de Galicia, tomando como día para o comezo do prazo o seguinte ó da última publicación.

b) Documentación que hai que presentar: a esixida na cláusula 9 do prego de cláusulas administrativas particulares.

c) Lugar de presentación: Concello de Samos. Praza de España nº 1.

9. Apertura de ofertas: no salón de sesións deste concello, ás doce horas do primeiro día hábil seguinte ó da finalización do prazo de presentación de proposicións, agás sábado, que será o hábil seguinte.

10. Criterios de adxudicación.

-Ter executadas obras da mesma natureza para o concello contratante, acreditándose a súa boa execución mediante certificado da súa dirección facultativa, ata oito puntos.

-Unidades de obra adicional valoradas a prezos de execución material e a súa determinación fixarase pola dirección facultativa, ata seis puntos.

-Menor prazo de execución das obras, ata catro puntos.

-Menor prezo ofertado, ata dous puntos.

11. Gastos por conta do adxudicatario.

a) Os anuncios que xeren o concurso e os preparatorios e de formalización do contrato.

b) Os tributos estatais, municipais e autonómicos que deriven do contrato.

c) Asumi-lo pagamento do IVE que se entenderá incluído dentro do prezo de adxudicación.

d) Os de formalización pública do contrato de adxudicación.

e) Os honorarios da dirección facultativa da obra.

Samos, 1 de setembro de 2000.

Carlos R. Belón Ares

Alcalde