En cumprimento da legalidade vixente, anúnciase concurso público para a contratación de asistencia técnica de impartición de accións formativas para rede de axentes colaboradores dos programas de emprendedores do Igape.
1. Entidade adxudicadora:
a) Organismo: Instituto Galego de Promoción Económica (Igape), barrio de San Lázaro s/n 15703 Santiago de Compostela, telf: 981 54 11 01, fax: 981 54 10 92.
b) Número de expediente: CP nº 14/2000.
2. Obxecto do contrato: asistencia técnica de impartición de accións formativas para rede de axentes colaboradores dos programas de emprendedores do Igape, coa seguinte desagregación en lotes:
Lote 1. Impartición dun mínimo de 10 seminarios de utilización das novas tecnoloxías da información
aplicadas ó desenvolvemento local e de mantemento da extranet do programa de emprendedores do Igape.
Lote 2. Impartición de dous cursos de técnicos en creación de empresas, dirixido á rede de axentes intermediarios.
Lote 3. Impartición de seminarios para a especialización de técnicos de promoción empresarial, dirixidos ós membros da rede de axentes intermediarios.
Prazos de execución e vixencia: os seminarios celebraranse nas datas e lugares establecidos na programación detallada do programa de emprendedores do Igape e en todo caso antes do 31 de decembro de 2000.
3. Tramitación, procedemento e forma de adxudicación:
a) Tramitación: ordinaria.
b) Procedemento: aberto.
c) Forma: concurso público.
4. Orzamento máximo de licitación: 9.192.000 ptas. (nove millóns cento noventa e dúas mil pesetas), IVE incluído, coa seguinte desagregación en lotes:
Lote 1. 1.960.000 ptas., IVE incluído.
Lote 2. 4.096.000 ptas., IVE incluído.
Lote 3. 3.136.000 ptas., IVE incluído.
5. Garantía provisional: 2% do orzamento máximo de licitación dos lotes ós que se concorra.
6. Clasificación: non se esixe.
7. Obtención de documentación e información:
a) Entidade: Instituto Galego de Promoción Económica (Igape).
b) Enderezo: barrio de San Lázaro s/n.
c) Localidade e código postal: Santiago de Compostela, 15703 A Coruña.
d) Teléfono: 981 54 11 01.
e) Telefax: 981 54 10 92.
f) Data límite de obtención de documentos e información: coincide coa data límite de presentación de ofertas.
8. Presentación das ofertas:
a) Data límite de presentación: o prazo de admisión finalizará ás catorce horas do décimo quinto día natural seguinte ó da publicación do anuncio de concurso no Diario Oficial de Galicia. De coincidir en sábado ou domingo o prazo entenderase prorrogado ata as catorce horas do seguinte día hábil.
b) Documentación que hai que presentar: a indicada no prego de cláusulas administrativas particulares.
c) Lugar de presentación: en sobre pechado e selado e dentro do prazo sinalado, presentaranse no Rexistro Xeral do Instituto Galego de Promoción Económica, ou por correo, anunciándolle ó órgano
de contratación a remisión da oferta mediante telex ou telegrama, que debe ter entrada no Igape antes do termo do prazo de presentación de ofertas, e xustificando a data da imposición do envío na oficina de correos.
d) Prazo durante o que o licitador estará obrigado a mante-la súa oferta: tres meses desde a apertura das ofertas.
9. Variantes: admítense variantes sobre programas e duración de seminarios, metodoloxías propostas, sistemas de garantía de calidade, melloras e prezos.
10. Apertura das ofertas: en acto público ás 10.30 horas do quinto día hábil seguinte ó remate do prazo de presentación de ofertas procederase á apertura da documentación administrativa e técnica. En acto público ás 10.30 horas do décimo día hábil seguinte do remate do prazo de presentación de ofertas procederase á apertura das ofertas económicas. Na sede do Instituto Galego de Promoción Económica en Santiago de Compostela.
11. Gastos de anuncios: os gastos dos anuncios serán por conta dos adxudicatarios.
Santiago de Compostela, 1 de setembro de 2000.
Margarita Rodríguez Rama
Directora xeral do Instituto Galego de Promoción
Económica