De conformidade co disposto polo artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, notifícaselles ós denunciados cos datos persoais e último enderezo coñecido que se sinalará de seguido, a proposta de resolución do correspondente expediente sancionador por presunta infracción á Lei sobre incendios forestais 81/1968, do 5 de decembro, e do seu regulamento, aprobado polo Decreto 3769/1972, do 23 de decembro, en relación coa Resolución do 21 de decembro de 1998 (DOG nº 1, do 4 de xaneiro de 1999) da Dirección Xeral de Montes e Medio Ambiente Natural sobre medidas para a prevención de incendios forestais durante o ano 1999 ó non ser posible a súa notificación a través do servicio de correos.
Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para poderen examina-los expedientes nesta delegación provincial, sita na rúa do Paseo nº 18-5º andar e achegar por escrito as alegacións, e os documentos, informacións ou proposta de probas que considere convenientes na defensa dos seus dereitos segundo o establecido no regulamento para o exercicio da potestade sancionadora, aprobado polo Real decreto 1398/1993, do 4 de agosto.
Para resolve-lo expediente é competente por razón da contía da multa o conselleiro de Medio Ambiente de acordo co artigo 141 do regulamento da Lei de incendios forestais.
O pagamento voluntario porá fin ó expediente. O importe da sanción que en cada caso corresponda farase efectivo na conta número 2091-0388-90-3110001181 de Caixa Galicia, empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia, presentándoos en calquera entidade bancaria.
Ourense, 30 de agosto de 2000.
Miriam Areal López
Instructora
Visto e prace
Agustín Prado Verdeal
Delegado provincial de Ourense
ANEXO
Expediente: 230/00-I.
Denunciado: Domingo de la Torre Dargamale.
DNI: 35.788.579.
Derradeiro enderezo coñecido: Lugar de Forcadas, s/n-Chandrexa de Queixa-Ourense.
Feitos denunciados: realizar sete tentativas de lume sen estar en posesión da correspondente autorización.
Precepto infrinxido e sancionador: artigo 137 b), 138 c) do Regulamento do 23 de decembro de 1972, en relación coa Resolución do 21 de decembro de 1998, da Dirección Xeral de Montes e Medio Ambiente Natural.
Sanción: 250.000 ptas.
Expediente: 375/00-I.
Denunciado: Manuel Corral Naval.
DNI: 34.438.779.
Derradeiro enderezo coñecido: r/ Fonte do Monte nº 9 Ourense.
Feitos denunciados: queima sen autorización en época de máximo perigro sendo pastos das chamas sobre un área de superficie arboreda con piñeiros entre 30 e 35 anos de idade, afectando coma danos nun poste do tendido eléctrico e un anaco de panal carbonizado dun avesporeiro.
Precepto infrinxido e sancionador: artigo 138 a) do Regulamento do 23 de decembro de 1972, en relación coa Resolución do 21 de decembro de 1998, da Dirección Xeral de Montes e Medio Ambiente Natural.
Sanción: 100.000 ptas.