Información pública do avance do Plan Xeral de Ordenación Municipal e suspensión do outorgamento de licencias.

O Pleno do Concello de Miño, na sesión que se celebrou o día 13 de setembro de 2000, en relación co avance do Plan Xeral de Ordenación Municipal, acordou o seguinte:

1. Información pública. Para os efectos do disposto no artigo 41 da Lei 1/1997, do 24 de marzo, do solo de Galicia, durante o prazo de corenta e cinco naturais, contados a partir do seguinte ó da publicación dos anuncios no Diario Oficial de Galicia, e nun dos xornais de maior difusión, as entidades e os particulares poderán suxerir o que estimen oportuno, e presenta-las propostas e convenios que estimen procedentes.

2. Suspensión de licencias. Polas modificacións que se introducen no avance con respecto ó planeamento urbanístico vixente suspéndese o outorgamento de licencias de parcelación de terreos, edificacións e demolición nas áreas do termo municipal que se sinalan nos planos S-1.1, S-1.2, S-2 e S-3,

nos termos sinalados no artigo 34 da Lei 1/1997, do 24 de marzo, do solo de Galicia.

O que se fai público para o coñecemento xeral e para os seus efectos.

Miño, 13 de setembro de 2000.

Deogracias Romeu López

Alcalde