A Comisión de Goberno Municipal, en sesión celebrada o día 26 de maio de 2000, prestou aprobación á seguinte proposta de acordo:

Primeiro.

-Estima-la solicitude de Roberto Veira Pino en representación de Mercedes Alvedro Fachal e os irmáns Mercedes e Ángela Tejeiro Alvedro, corrixindo a conta de liquidación provisional do proxecto de reparcelación respecto a parcela resultante nº 1 na que figurará en concepto de indemnización o importe de -772.085 ptas. e facer efectivo o importe da indemnización nº 3 por importe de 2.291.488 ptas. a favor dos antigos titulares da edificación.

-Respecto da parcela nº 2 desestima-la alegación presentada polos herdeiros de Ramón Blanco Boedo e a Sociedade Coperdiga, S.L. de conformidade co informe emitido, corrixindo a titularidade da parcela que figurará a nome de Coperdiga, S.L. debedor do saldo resultante da conta de liquidación para esta parcela, confirmándose o importe aprobado inicialmente.

-Estima-lo escrito presentado por Antonio de la Iglesia Mantiñán, en representación de Isomán, S.A. respecto da parcela adxudicada nº 3 do proxecto de reparcelación, corrixindo a titularidade dela de maneira que os saldos resultantes imputados a esta parcela lle corresponderán a José Herves Arca e Pedro Roca Díaz.

-Estima-lo escrito presentado por Inversiones Jaluma, S.L. corrixindo a conta de liquidación provisional de maneira que os saldos correspondentes á parcela nº 4 se imputarán a citada sociedade.

-Desestima-lo escrito presentado por José de la Iglesia Mantiñán en nome e representación da Compañía Mercantil Demanti, S.A. consonte o estable

cido no artigo 27.4º do Regulamento de xestión e artigo 1887 do Código Civil respecto á solicitude de rebaixa da cota de urbanización e desestimar tamén respecto á revalorización das achegas de conformidade co informe que consta no expediente.

-Desestima-lo escrito presentado por Antonio de la Iglesia Mantiñán en representación de Isomán, S.A. en relación á parcela adxudicada nº 9

de conformidade co informe que consta no expediente.

Segundo.-Aprobar definitivamente a conta de liquidación provisional do proxecto de reparcelación de Manuel Murguía por importe de 126.320.036 ptas. no que se introduciron as modificacións derivadas dos informes que constan no expediente; o seu resumo é o seguinte:

En execución do presente acordo xiraranse as correspondentes liquidacións que serán previamente fiscalizadas pola Intervención Municipal.

Terceiro.-Comunicarlle ó Rexistro da Propiedade que de conformidade co artigo 19.1º de normas complementarias o Regulamento para a execución da Lei hipotecaria proceda a anota-lo saldo resultante da conta de liquidación provisional a cada unha das parcelas resultantes do proxecto de reparcelación.

Cuarto.-Publicar no Diario Oficial de Galicia o acordo de aprobación definitiva da citada conta e notificarlla ós interesados.

Quinto.-O que se publica para xeral coñecemento indicando que contra este acordo cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da súa publicación. Non obstante pode interpoñerse recurso potestativo de reposición ante a Alcaldía Presidencia no prazo dun mes e contra a súa desestimación poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses, se a resolución fora expresa, e noutro caso no de seis meses contados desde a desestimación

presunta do recurso de reposición, isto é, a partir do mes de telo interposto.

A presente publicación producirá tamén os efectos previstos no artigo 59.4º da Lei 30/1992, de réxime xurídico das administracións públicas e do procedemento administrativo común para aqueles supostos de interesados ou propietarios de parcelas que se relacionan ós que non poida serlles practicada a notificación de forma persoal.

A Coruña, 22 de xuño de 2000.

O alcalde

P.D.

Salvador Fernández Moreda