O Pleno do Concello de Vigo, en sesión do día 26 de xuño de 2000, acordou aprobar definitivamente o Plan especial de mellora do núcleo 06.03 C Porto Loureiro, na parroquia de Castrelos, segundo a documentación corrixida á vista das alegacións e informes do delegado provincial da Consellería de Política Territorial, Obras Públicas e Vivenda da Xunta de Galicia de datas 16 de marzo de 1999, 23 de setembro de 1999 e 14 de marzo de 2000, redactado polos arquitectos Mercedes Aymerich Valladares, Clara Gómez Somoza, Carlos Pajares Campos e José Javier Villacé Rodríguez.
O que se publica para o xeral coñecemento e de conformidade co artigo 48.2º da Lei 1/1997, do 24 de marzo, do solo de Galicia.
Contra o devandito acordo, que pon fin á vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.
De conformidade co artigo 59.4º da Lei 30/1992, do 26 de novembro, de réxime xurídico das administracións publicas e do procedemento administrativo común, por medio do presente anuncio, e publicación no taboleiro de edictos do concello, notifícase o acordo que nel se conte a tódolos propietarios que sexan descoñecidos dos que se ignore o lugar da notificación ou ben, intentada esta, non se puidese practicar.
Vigo, 7 de agosto de 2000.
Lois Pérez Castrillo
Alcalde-presidente da Xerencia Municipal
de Urbanismo