A Comisión de Goberno deste concello, en sesión celebrada o día 18 de xullo de 2000, acordou prestar aprobación inicial ó estudio de detalle presentado por Manuel Fernández Fernández, para regula-la edificación dunha parcela situada na rúa da Constitución, esquina á rúa de nova apertura da vila de Sanxenxo, de conformidade coa documentación técnica redactada polo arquitecto Alfredo Díaz Grande.

Exponse o expediente a información pública polo prazo dun mes, contado a partir do día seguinte a aquel en que sexa publicado o anuncio no Diario Oficial de Galicia, co obxecto de que quen se considere prexudicado ou afectado poida formula-as alegacións que coida procedentes.

De conformidade co disposto no artigo 34-2º do Regulamento de planeamento urbanístico, suspéndese o outorgamento de licencias para a área do territorio obxecto da modificación.

Este anuncio suple as circunstancias que poidan concorrer no disposto no artigo 59 da Lei 30/1992,

do 26 de novembro, de réxime xurídico das administracións públicas e do procedemento administrativo común.

Sanxenxo, 9 de agosto de 2000.

Telmo Martín González

Alcalde