Entidade adxudicadora: Concello da Estrada. Tramitación: Secretaría Xeral. Obxecto do contrato: rede de sumidoiros e depuración Xerlís, A Cruz e Campos incluída no PPC/2000, segundo proxecto do enxeñeiro de camiños, canles e portos Alfonso
Enríquez Moure, aprobado pola Comisión de Goberno do 16-8-2000. Prazo de execución: 3 meses. Tramitación: urxente. Procedemento: aberto. Forma de adxudicación: concurso. Tipo de licitación: 17.070.137 ptas. Garantía provisional: 2% do tipo de licitación. Garantía definitiva: 4%. Obtención de documentación e do prego, aprobado pola Comisión de Goberno do 21-8-2000: na Secretaría Xeral. Información: tlf: 986 57 01 65 ext. 15. Presentación de ofertas: nos trece días naturais seguintes á publicación deste anuncio no DOG, na oficina de plicas da Secretaría Xeral, de 9 a 13 horas. Documentación que hai que presentar: Sobre nº 1: 1. DNI ou fotocopia debidamente compulsada, se se trata de persoas físicas. 2. De tratarse de persoas xurídicas, xuntarase escritura de constitución inscrita no Rexistro Mercantil, e poder verificado na súa suficiencia polo secretario da Corporación. 3. Declaración xurada de non estar incurso en prohibición de contratar segundo artigo 20 do Real decreto lexislativo
2/2000. 4. Fianza Prov. Sobre nº 2: proposición económica adaptada ó modelo do prego. Sobre nº 3: 1. Melloras no proxecto. 2. Outras obras de natureza análoga. Nos dous casos estarán especificadas e valoradas; segundo o modelo do prego. Apertura: en acto público, ás 12 horas do día hábil seguinte ó remate do prazo sinalado para a presentación de plicas. Se fose sábado, traladaríase ó primeiro día hábil seguinte. Neste caso, a mesa comprobará a documentación presentada, outorgando ós contratistas, chegado o caso, un prazo de 3 días para corrixi-los defectos que se consideren deste carácter. A valoración dos puntos para a selección, levarase a cabo a mesa con posterioridade ó acto de apertura de plicas, podendo solicitar asesoramento técnico se o considerase oportuno. Adxudicación definitiva: pola Comisión de Goberno. Valoracións para resolve-lo concurso: a) Baixa no tipo de licitación 1 punto por cada 25.000 ptas., de baixa ou a cantidade que proporcionalmente corresponda. b) 1 punto
por cada 15.000 ptas. de obra de mellora no proxecto ou obras de natureza análogas, ou a puntuación que proporcionalmente corresponda. Gastos de anuncios: por conta do adxudicatario. Información pública do prego e do proxecto: simultaneamente, nos oito días naturais seguintes á publicación do presente anuncio no DOG.
A Estrada, 21 de agosto de 2000.
O alcalde acctal.
Rubricado