José Antonio Fende Ledo, secretario xeral do Concello de Chantada (Lugo),

Certifica que o Pleno do Concello, na súa xuntanza do día 20 de xullo do 2000, adoptou, entre outros, os seguintes acordos:

Aprobar definitivamente, por delegación de competencias da Xunta de Galicia, previstas na disposición adicional cuarta da Lei 1/1997, con base no informe favorable do conselleiro de Política Territorial, Obras Públicas e Vivenda da Xunta de Galicia, os expedientes da modificacións do Plan Xeral de Ordenación Urbana de Chantada, seguintes:

a) Da rúa desde a N-540 ó campo de fútbol.

b) Na zona das piscinas.

c) No treito de terreo que desde a rúa Luis Soto Lemos conduce á praza de nova creación que percorre paralela á rúa de Pardo Bazán.

O que se fai público para xeral coñecemento, en cumprimento do establecido no artigo 48 da Lei 1/1997, do solo de Galicia, significando que contra os acordos adoptados se pode interpoñe-lo recurso de reposición con carácter potestativo, no prazo dun mes contado desde o día seguinte hábil ó da publicación deste anuncio no DOG, ante este propio órgano municipal (artigos 116 e 117 da Lei 4/1999, do 13 de xaneiro).

Se o recurso de reposición se resolve expresamente, poderá interpoñe-lo recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da notificación da resolución e, se non se resolve expresamente, en seis meses desde o día seguinte a aquel no que se deba ter por desestimado.

Chantada, 24 de xullo de 2000.

José Antonio Fente Ledo

Secretario xeral

Sergio Vázquez Yebra

Alcalde-presidente P.D.