Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15000 A Coruña.

Denominación: L.M.T.S vivendas Profeco-Lagoas.

Situación: Narón.

Descricións técnicas: liña eléctrica subterránea de media tensión, a 20 kV, baixo tubo e con conductor R.H.V 12/20 kV de 3 (1x240) mm Al de 335 m de lonxitude, con orixe no C.T vivendas Profeco (expediente 33989) e final na liña que alimenta o C.T. Lagoas (expediente 18264). Reforma do C.T. vivendas Profeco dotándoo dun conxunto de celas compactas en SF6 dúas de protección de liña e 1 de protección do transformador de 250 kVA. Narón.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

A Coruña, 10 de xullo de 2000.

Jesús Espada Martínez

Delegado provincial da Coruña