1. Obxecto e orzamento: contratación dun servicio para o desenvolvemento da aplicación informática
para os servicios de facturación do Servicio Galego de Saúde, por un importe máximo de nove millóns noventa e catro mil catrocentas pesetas (9.094.400 ptas., IVE incluído), equivalentes a 54.658,44 euros.
2. Solvencia económica e financeira, e solvencia técnica: ver punto 17 da portada do prego de cláusulas administrativas particulares.
3. Prazo de execución: 7 meses, contados desde a sinatura do contrato.
4. Documentos de interese para os licitadores: o prego de cláusulas administrativas particulares e demais documentación complementaria pódese solicitar na Consellería de Sanidade e Servicios Sociais, División de Recursos Económicos, Subdirección Xeral de Contratación e Xestión Económica, edificio administrativo San Caetano, bloque 2, 2º, en días laborables desde as 9 ata as 14 horas.
5. Garantías: provisional por un importe de 181.888 ptas.
6. Admisión de variantes: non se admiten.
7. Criterios de adxudicación: ver punto 12 da portada do prego de cláusulas administrativas particulares.
8. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Consellería de Sanidade e Servicios Sociais/Sergas, antes das 14 horas do décimo quinto día natural, contado a partir do seguinte ó da publicación desta resolución no DOG, ou por correo na forma indicada no punto 5.2.1. do prego de cláusulas administrativas particulares.
9. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Consellería de Sanidade e Servicios Sociais no edificio administrativo San Caetano (ático ala norte), a partir das 9.30 horas do sétimo día natural, contado a partir do seguinte a aquel no que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día hábil.
10. Documentación que deberán achega-los licitadores: os documentos que figuran no prego de cláusulas administrativas particulares.
11. Anuncios: os anuncios do presente concurso serán por conta do adxudicatario.
Santiago de Compostela, 9 de agosto de 2000.
P.O. (Resolución 20-7-2000)
Manuel Antonio Silva Romero
Secretario xeral do Servicio Galego de Saúde