DOG 162 do 22/08/2000 - RESOLUCIÓN do 9 de agosto de 2000, da División de Recursos Económicos, pola que se anuncia concurso, polo procedemento aberto, para a contratación dunha consultoría e asistencia para o estudio e a elaboración do Mapa Farmacéutico de Galicia (S-389/2000).

VI. ANUNCIOS

DA ADMINISTRACIÓN AUTONÓMICA

SERVICIO GALEGO DE SAÚDE

RESOLUCIÓN do 9 de agosto de 2000, da División de Recursos Económicos, pola que se anuncia concurso, polo procedemento aberto, para a contratación dunha consultoría e asistencia para o estudio e a elaboración do Mapa Farmacéutico de Galicia (S-389/2000).

1. Obxecto e orzamento: contratación dunha consultoría e asistencia para o estudio e a elaboración do Mapa Farmacéutico de Galicia, por un importe máximo de trinta e catro millóns seiscentas cincuenta mil pesetas (34.650.000 ptas., IVE incluído), equivalentes a 208.250,69 euros.

2. Solvencia económica e financeira, e solvencia técnica: ver punto 17 da portada do prego de cláusulas administrativas particulares.

3. Prazo de execución: ver epígrafe C do prego de prescricións técnicas.

4. Documentos de interese para os licitadores: o prego de cláusulas administrativas particulares e demais documentación complementaria pódese solicitar na Consellería de Sanidade e Servicios Sociais, División de Recursos Económicos, Subdirección Xeral de Contratación e Xestión Económica, edificio administrativo San Caetano, bloque 2, 2º, en días laborables desde as 9 ata as 14 horas.

5. Garantías: provisional por un importe de 693.000 ptas.

6. Admisión de variantes: non se admiten.

7. Criterios de adxudicación: ver punto 12 da portada do prego de cláusulas administrativas particulares.

8. Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Consellería de Sanidade e Servicios Sociais/ Sergas, antes das 14 horas do décimo quinto día natural, contado a partir do seguinte ó da publicación desta resolución no DOG, ou por correo na forma indicada no punto 5.2.1. do prego de cláusulas administrativas particulares.

9. Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Consellería de Sanidade e Servicios Sociais no edificio administrativo San Caetano (ático ala norte), a partir das 9.30 horas do sétimo día natural, contado a partir do seguinte a aquel no que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día hábil.

10. Documentación que deberán achega-los licitadores: os documentos que figuran no prego de cláusulas administrativas particulares.

11. Anuncios: os anuncios do presente concurso serán por conta do adxudicatario.

Santiago de Compostela, 9 de agosto de 2000.

P.O. (Resolución 20-7-2000)

Manuel Antonio Silva Romero

Secretario xeral do Servicio Galego de Saúde