O Consello da Xerencia Municipal de Urbanismo do Concello de Vigo, en sesión do día 20 de xullo de 2000, aprobou inicialmente o proxecto unitario de urbanización do aparcadoiro en superficie do campus universitario As Lagoas-Marcosende (Vigo) aprobado pola Universidade de Vigo o día 16-3-2000 e redactado polo arquitecto Gabriel Santos Zas, someténdoo a información pública polo prazo dun mes mediante anuncio no DOG, nun dos xornais de maior difusión da provincia e notificación individual ós interesados directamente afectados.
Por medio deste anuncio sométese a información pública o devandito expediente mediante a inserción deste no DOG e nun dos xornais de maior circulación da provincia. Indícase que o prazo de información pública é como mínimo dun mes e entenderase aberto desde a publicación do primeiro anuncio e rematará transcorrido un mes desde a publicación do derradeiro, computado na forma prevista no artigo 48 da LRXAP-PAC, e que durante este calquera interesado e público en xeral poderá presenta-las alegacións ou documentos que consideren convenientes. O expediente atópase na oficina de información da Xerencia Municipal de Urbanismo (planta baixa do edificio da Xerencia, praza do Rei, esquina rúa Cachamuíña) á disposición do público en xeral.
Vigo, 7 de agosto de 2000.
Lois Pérez Castrillo
Alcalde-presidente da Xerencia Municipal de Urbanismo