O artigo 39.5º da Lei orgánica 1/1990, do 3 de outubro, de ordenación xeral do sistema educativo,
establece que poderán cursarse estudios de música ou de danza en escolas específicas. Así mesmo, a Orde do 11 de marzo de 1993 (DOG do 22 de abril), regula as condicións de creación e funcionamento destas escolas na Comunidade Autónoma de Galicia.
Por outra banda, o Decreto 213/1998, do 10 de xullo, no seu artigo 1 establece que lle corresponden á Consellería de Educación e Ordenación Universitaria as competencias de planificación, regulación e administración do ensino en toda a súa extensión.
Presentadas as solicitudes de inclusión no Rexistro de Escolas de Música polos concellos de Oleiros (A Coruña), A Capela (A Coruña) e Campo Lameiro (Pontevedra), os servicios competentes da Consellería de Educación e Ordenación Universitaria comprobaron a efectividade do cumprimento dos requisitos esixidos na Orde do 11 de marzo de 1993.
Esta consellería,
DISPÓN:
Primeiro.-Autoriza-la inclusión no Rexistro de Escolas de Música da Escola de Música Municipal da Capela (A Coruña), Escola de Música Municipal A Fábrica de Oleiros (A Coruña) e a Escola de Música Municipal de Campo Lameiro (Pontevedra), segundo os datos que figuran no anexo.
Segundo.-As ditas escolas quedan sometidas ó réxime de escolas de música e danza, segundo o establecido na Orde do 11 de marzo de 1993 (DOG do 22 de abril), e ós servicios de inspección correspondientes.
Disposicións derradeiras
Primeira.-Facúltase o director xeral de Centros e Inspección Educativa para dicta-las disposicións necesarias para o desenvolvemento desta orde.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Contra esta disposición, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 18 de xullo de 2000.
Celso Currás Fernández
Conselleiro de Educación e Ordenación Universitaria
ANEXO
Provincia: A Coruña.
Concello: A Capela.
Localidade: A Capela.
Enderezo: As Neves, s/n.
Código do centro: 15032091.
Denominación específica: Escola de Música Municipal da Capela.
Titular: Concello da Capela.
Provincia: A Coruña.
Concello: Oleiros.
Localidade: Perillo.
Enderezo: rúa do Inglés, nº 11.
Código do centro: 15032108.
Denominación específica: Escola de Música Municipal A Fábrica.
Titular: Concello de Oleiros.
Provincia: Pontevedra.
Concello: Campo Lameiro.
Localidade: Campo Lameiro.
Enderezo: Chanciña de Arriba, s/n.
Código do centro: 36024151.
Denominación específica: Escola de Música Municipal de Campo Lameiro.
Titular: Concello de Campo Lameiro.